Kigali

Cristiano Ronaldo yandikiye ibaruwa ikora ku mutima abafana ba Real Madrid

Imikino   Yanditswe na: Dusingizimana Remy 11 July 2018 Yasuwe: 2675

Kabuhariwe Cristiano Ronaldo yaraye ashyize akadomo ku myaka 9 y’intsinzi yari amaze mu ikipe ya Real madrid aho yandikiye ibaruwa ikora ku mutima abafana b’iyi kipe bamushyigikiye kuva yayigeramo mu mwaka wa 2009 avuye muri Manchester United akayifasha gutwara ibikombe 16 ndetse akayitsindira ibitego 450.

Muri iyi myaka 9 y’umugisha Cristiano Ronaldo yari amaze muri Real Madrid yakoze agashya aba umukinnyi watsindiye ibitego byinshi mu mateka yayo ndetse abasha kwegukana Ballon d’Or 4 ziyongera kuyo yabonye ari muri Manchester United.

Ubwo Ronaldo yerekwaga abafana ba Real madrid mu mwaka wa 2009

CR7 yabwiye abafana ba Real Madrid ko iyi kipe izamuhora ku mutima ndetse yamukoze ku mutima igihe cyose yayimazemo ndetse abashimira ibyo bamufashije kugeraho.

Yagize ati “Iyi myaka maze nkina muri Real Madrid,mba mu mujyi wa Madrid niyo nishimye cyane mu buzima bwanjye.Icyo mfite mu mutima wanjye ni ibyishimo n’umunezero ku bw’urukundo nabonye mu mujyi wa Madrid.Ndabashimira buri wese ku bw’urukundo no kwitabwaho nagaragarijwe.

Ndatekereza ko Iki ari cyo gihe nyacyo nifuje guhindura ubuzima niyo mpamvu nasabye ubuyobozi ko bwanyemerera nkajya gushakira ahandi.Ndasaba abakunzi bacu ko mwakwishimira uyu mwanzuro nafashe.

Imyaka 9 nari maze muri Real Madrid yari iy’ibyishimo gusa.N’imyaka y’ibyishimo kuri njye, ariko yangoye kuko Real Madrid ni ikipe isaba byinshi gusa nishimiye umupira mu buryo bwihariye.Nakinanye n’abakinnyi b’abahanga cyane ndetse n’abafana bacu bari ab’ingenzi kandi dufatanyije twabashije kwegukana UEFA Champions League inshuro 3 twikurikiranya.

Real Madrid yankoze ku mutima njye n’umuryango wanjye niyo mpamvu nshaka kuyishimira by’umwihariko ,ngashimira perezida,abakinnyi twakinannye,abatoza,abaganga,n’abandi bakozi bose batumye tugera ku ntsinzi.”

Ronaldo wari umaze imyaka 9 muri Real Madrid,yayisezeyeho ku munsi w’ejo ayitsindiye ibitego 450 mu mikino 438 harimo hat tricks 44, yerekeza muri Juventus aho yasinye amasezerano y’imyaka 4 akazajya ahembwa akayabo ka miliyoni 30 z’amayero ku mwaka ni ukuvuga ibihumbi 500 by’amapawundi ku cyumweru.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Floyd Mayweather yaciye ibintu ku mbuga nkoranyambaga kubera amafoto...

Icyamamare mu mukino w’iteramakofe Floyd Mayweather cyo muri USA, cyashyize...
22 September 2018 Yasuwe: 1363 0

Nemanja Matic yakoze ku mitima ya benshi kubera igikorwa cy’urukundo...

Umukinnyi Nemanja Matic ukina hagati mu ikipe ya Manchester United yakoze...
22 September 2018 Yasuwe: 1224 0

Perezida wa Real Madrid yatangaje impamvu ikomeye yatumye agurisha...

Umuyobozi wa Real Madrid, Florentino Perez yatangaje ko yafashe umwanzuro...
22 September 2018 Yasuwe: 3378 0

FC Barcelona yakoze igikorwa gikomeye kigaragaza ko ishaka Paul...

Ikipe ya FC Barcelona yari imaze iminsi ihisha ko ishaka umukinnyi Paul...
22 September 2018 Yasuwe: 1493 0

Lionel Messi yashimishije benshi mu bakunzi ba ruhago kubera umwanzuro...

Rutahizamu Lionel Messi wa FC Barcelona yatunguye benshi mu bakunzi ba...
22 September 2018 Yasuwe: 3215 0

FERWAFA yongeye gusubiza umukino wa Super Cup I Rubavu nyuma y’amahano...

Ishyirahamwe ry’umupira w’Amaguru mu Rwanda, FERWAFA ryamaze kwemeza ko...
21 September 2018 Yasuwe: 843 0