Rutahizamu kabuhariwe Cristiano Ronaldo yaraye afashije ikipe ya Juventus gutwara igikombe cya Serie A ku nshuro ya 8 yikurikiranya,ahita aca agahigo ko kuba umukinnyi wa mbere utwaye,Premier League,La Liga na Serie A.

Sponsored Ad

Mu mwaka we wa mbere muri iyi shampiyona y’Ubutaliyani,Cristiano Ronaldo yafashije Juventus gutwara igikombe cya Serie A nyuma yo gutsinda Fiorentina ibitego 2-1.

Cristiano Ronaldo w’imyaka 34,yagarutsweho n’ibinyamakuru bitandukanye nyuma yo gutwara ibikombe bya shampiyoma mu Bwongereza,mu Butaliyano no muri Espagne .

Cristiano Ronaldo yavuye muri Real Madrid umwaka ushize,ayifashije kwegukana La Liga 2,agurwa na Juventus akayabo ka Miliyoni 100 z’amapawundi.

Cristiano Ronaldo yafashije Manchester United gutwara Premier League 3 ubwo yayikiniraga kuva 2003 kugeza 2008.

Nyuma yo gutwara iki gikombe cya Serie A,Cristiano Ronaldo yahise atangaza ko mu mwaka utaha azakinira Juventus,akuraho ibihuha byavugaga ko ashobora kuyivamo kubera ko yasezerewe mu mikino ya UEFA Champions League.