Rutahizamu wa Juventus,Cristiano Ronaldo yaraye atsinze igitego cya 600 mu makipe atari ay’igihugu yakiniye,ubwo banganyaga na Inter Milan igitego 1-1, bituma atanga aka gahigo Messi we ufite ibitego 598.

Sponsored Ad

Mu mukino waraye ubereye ku kibuga San Siro,Cristiano Ronaldo yarokoye Juventus yari yatsinzwe igitego ku munota wa 7 na Radja Nainggolan ayishyurira ku munota wa 62 ku mupira mwiza yahawe na Miralem Pjanic.

Kugeza ubu, Cristiano Ronaldo amaze gutsindira Juventus ibitego 27,atsindira Sporting Lisbon ibitego 5, Manchester United yayitsindiye ibitego 118 muri Real Madrid yahakoreye amateka akomeye kuko yahatsindiye ibitego 450.

Cristiano Ronaldo w’imyaka 34 ni rutahizamu wongeye kugarukwaho na benshi kuko si abakinnyi benshi batsinze ibitego 600 ndetse kugeza ubu amaze gutsindira Portugal ibitego 85.

Lionel Messi ukunze umaze imyaka irenga 10 ahangana na Cristiano Ronaldo,yaraye atsindiye FC Barcelona igitego cya 598 ubwo batsindaga igitego 1-0 ikipe ya Levante begukana igikombe cya La Liga.

Cristiano Ronaldo yaraye atsinze igitego cya 600 mu makipe yakiniye hatarimo Portugal