Kigali

Cristiano Ronaldo yateye ivi asaba umukunzi we Georgina Rodriguez kumubera umugore

Imikino   Yanditswe na: Dusingizimana Remy 15 November 2018 Yasuwe: 3953

Icyamamare mu mupira w’amaguru Cristiano Ronaldo wari uzwiho gushurashura cyane,yamaze gufata umwanzuro wa kigabo asaba umukunzi we Georgina Rodriguez bari bamaze imyaka irenga 2 ko yamubera umugore.

Ronaldo ukinira ikipe ya Juventus yakundanye n’abakobwa benshi ariko birangiye yemeye gushyingiranwa na Georgina Rodriguez wamubyariye umwana w’umukobwa mu mwaka ushize.

Ikinyamakuru gikomeye muri Portugal cyitwa Correio da Manha cyavuze ko Ronaldo yamaze gutera ivi imbere Georgina amusaba ko bashyingiranwa nawe arabimwemerera ndetse kuri ubu bari kwitegura ubukwe.

Georgina Rodriguez ari gushaka ikanzu nziza cyane mu bahanga mu gukora imyenda ku buryo we na Cristiano Ronaldo bazaba bakeye mu mpeshyi itaha mu bukwe bwabo.

Georgina na Ronaldo babana nk’umugabo n’umugore mu Butaliyani we n’umuryango w’iki cyamamare muri ruhago.

Nkuko Correio da Manha yabitangaje,abantu b’inshuti za hafi za Cristiano Ronaldo nibo bemeje ko yamaze kwambika impeta Geo ndetse ubukwe bwabo buzaba mu mpeshyi itaha.

Cristiano Ronaldo yahuye na Georgina Rodriguez muri Kamena 2016 ndetse mu gikombe cy’isi uyu mukobwa yagaragaye yambaye impeta nziza ya Diamond igura akayabo k’ibihumbi 615 by’amapawundi.

Ronaldo na Georgina bagaragaye mu Bwongereza mu ntangiriro z’iki cyumweru basohokeye kuri stade ya tennis izwi cyane ya O2 ndetse na restaurant ikomeye ya Zela ibamo imivinyo zihenze cyane ku isi.
Mu minsi ishize nibwo nyina wa Cristiano Ronaldo Dolores Aveiro yatangaje ko Georgina ari umukazana we w’ahazaza kubera ko atuje ndetse yubaha none Cristiano Ronaldo yabihaye umugisha.




Ronaldo na Georgina bagaragaye bambaye impeta zisa

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Nibyo koko RONALDO yaryamanye n’abakobwa benshi.Gusa ntabwo Abazungu benshi bajye "Gusezerana imbere ya Padiri cyangwa Pastor.Tujye tumenya ko biriya byo "Gusezerana" mu nsengero atari ngombwa.Icyo imana idusaba gusa ni "Igikumwe".Nukuvuga kwiyandikisha nk’umugore n’umugabo.Mwibuke ko Maliya na Yozefu bagiye "kwiyandikisha" I Bethlehem nkuko tubisoma muli Luka 2:5.Gusezerana imbere ya Padiri cyangwa Pastor,ntitukavuge ngo ni "imbere y’imana".Bible ivuga ko Imana itaba mu nsengero z’abantu (Ibyakozwe 17:24).Abantu bonyine Imana yasezeranyije,ni Adamu na Eva gusa.Kandi ntabwo yabasezeranyije mu Rusengero.Muli ISRAEL ya kera,nta hantu tubona Abakristu bagiye gusezerana mu rusengero.Ndetse na Maliya na Yozefu ntabwo bagiyeyo.Ikibabaje cyane nuko abanyamadini bakoresha iyi mihango bishakira ifaranga.
    Barihisha ubukwe,abapfuye,ndetse basigaye barihisha na toilets zabo.Aya ni amahano.

    4 months ago
  • chat_bubble

    nimugende mufite umugisha ko nange ndawubifurije muraberanye .

    4 months ago

Inzindi nkuru

Jose Mourinho yishongoye kuri Jurgen Klopp na Maurizio Pochettino batoza...

Uwahoze ari umutoza wa Manchester United,Jose Mourinho yatangaje ko nta...
25 March 2019 Yasuwe: 1996 0

Rayon Sports yafashe ingamba zikomeye zigiye kuyifasha gutera imbere...

Kuri iki Cyumweru taliki ya 24 Werurwe 2019 nibwo ubuyobozi bw’ikipe ya...
25 March 2019 Yasuwe: 4746 1

Ikipe y’igihugu cya Uganda nayo yanyagiwe n’ikipe y’igihugu cya...

Ikipe y’igihugu ya Tanzania ibaye igihugu cya kane gituranye n’u Rwanda...
24 March 2019 Yasuwe: 2893 0

Ubuyobozi bwa Rayon Sports bwagabiye inka ebyiri umukinnyi Irambona Eric...

Ubuyobozi bw’ikipe ya Rayon Sports bwagabiye inka 2 umuryango mushya wa...
24 March 2019 Yasuwe: 4177 0

Wayne Rooney yasohokanye ku mazi umugore we byavugwaga ko benda gutandukana...

Umukinnyi Wayne Rooney wahoze akinira amakipe akomeye nka Manchester United...
24 March 2019 Yasuwe: 3973 0

Cristiano Ronaldo yongeye kugaragariza mu ruhame ko yanga ikipe ya Real...

Rutahizamu Cristiano Ronaldo ukinira ikipe ya Juventus yongeye kugaragaza...
24 March 2019 Yasuwe: 7072 0