Cristiano Ronaldo yatumye igikundiro cya Real Madrid mu bafana kigabanuka bikomeye
Yanditswe: Monday 03, Sep 2018
Kizigenza Cristiano Ronaldo uherutse kuva mu ikipe ya Real Madrid yerekeza muri Juventus yatumye benshi mu bafana bakundaga iyi kipe yo muri Espagne bagabanuka kuko nyuma y’amasaha 24 ayivuyemo,miliyoni irenga y’abayikurikiranaga kuri Twitter yarigendeye yimukira kuri Juventus.
Nyuma yo kumenya ko Cristiano Ronaldo yagiye muri Juventus abafana basaga miliyoni bahise bahagarika gukurikirana Real Madrid bigira kuri Juventus bituma iyi kipe yo mu Butaliyani yari ifite abayikurikirana batari benshi biyongera.
Ronaldo yatumye Real Madrid itakaza abafana benshi
Ronaldo afite abafana benshi bamwihebeye ndetse bagenda bimuka iyo avuye mu ikipe runaka yerekeza mu yindi ndetse kuri ubu biravugwa ko benshi mu bakunzi be bahise berekeza kuri Juventus,biyizamurira agaciro n’isoko.
Kuri Instagram,Juventus yungutse abafana bangana na 25 ku ijana yabo yari ifite nyuma yo gutangaza ko yaguze Cristiano Ronaldo akayabo ka miliyoni 100 z’amapawundi.
Ronaldo yubatse izina rituma benshi bamukunda kurusha amakipe akinira
Ku mbuga nkoranyambaga zose,Juventus yungutse abafana basaga miliyoni 6 mu gihe gito,kaba agahigo gakomeye ikoze muri ruhago.
Juventus ikurikiranwa n’abantu miliyoni 35 kuri Facebook,miliyoni 6 kuri Twitter na miliyoni 15 zirenga kuri Instagram.
Abakunzi ba Juventus bariyongereye kubera Ronaldo
Cristiano Ronaldo akurikirwa na miliyoni 140 kuri Instagram,miliyoni 120 kuri Facebook na miliyoni 74 zirenga kuri Twitter bimugira umukinnyi wa mbere ukunzwe kurusha abandi bose ku mbuga nkoranyambaga.
Leave a Reply
Your email address will not be published. Required fields are marked *