Rutahizamu Cristiano Ronaldo yarakajwe bikomeye n’imyitwarire ya bagenzi be ku mukino baheruka gutsindwa na Atletico Madrid ibitego 2-0 mu mikino ya 1/16 UEFA Champions League,bituma abasaba ko bakina nka Real Madrid yo mu myaka ishize.

Sponsored Ad

Mu mukino Juventus yatsinzemo Napoli muri Shampiyona,Ronaldo yagaragaye atongana n’umutoza we Max Allegri kubera ko yamusabaga ko bazamura uburyo basatiramo bityo bize kubafasha gusezerera ikipe ya Atletico mu mukino wo kwishyura uraba kuri uyu wa Kabiri saa yine z’ijoro.

Ronaldo akomeje gusaba abakinnyi bakinana gukinana ubukaka botsa igitutu ikipe bahanganye kugira ngo bibafashe kubona ibitego byinshi.

Uyu munya Portugal yabwiye bagenzi be ko niba bashaka kwegukaana igikombe cya UEFA Champions League,bagomba gusatira bikomeye nkuko Real Madrid yabikoraga.

Juventus irasabwa gutsinda ikipe ya Atletico Madrid ibitego 3-0 kugira ngo ibashe gukomeza mu mikino ya ¼ cy’irangiza muri UEFA Champions League.