skol
fortebet

Cristiano yagizwe umukinnyi w’umwaka i Burayi ahigitse Messi na Buffon

Yanditswe: Thursday 24, Aug 2017

Sponsored Ad

Rutahizamu w’ikipe ya Real Madrid; Cristiano Ronaldo yagizwe umukinnyi wa mbere i Burayi mu mupira w’amaguru muri 2017 akaba abashije kwegukana iki gihembo cy’umukinnyi mwiza w’umwaka ku nshuro ya kabiri yikurikiranya, aho ahigitse Buffon na Messi bari bahataniye iki gihembo.
Mu cyiciro cy’abagore iki gihembo cyegukanywe n’umuholandikazi ukinira FC Barcelone witwa Lieke Martens wagizwe umukinnyi mwiza w’umwaka. Martens yatsinze arusha Pernille Harder wa Wolfsburg yo mu Budage na Dzsenifer (...)

Sponsored Ad

Rutahizamu w’ikipe ya Real Madrid; Cristiano Ronaldo yagizwe umukinnyi wa mbere i Burayi mu mupira w’amaguru muri 2017 akaba abashije kwegukana iki gihembo cy’umukinnyi mwiza w’umwaka ku nshuro ya kabiri yikurikiranya, aho ahigitse Buffon na Messi bari bahataniye iki gihembo.

Mu cyiciro cy’abagore iki gihembo cyegukanywe n’umuholandikazi ukinira FC Barcelone witwa Lieke Martens wagizwe umukinnyi mwiza w’umwaka. Martens yatsinze arusha Pernille Harder wa Wolfsburg yo mu Budage na Dzsenifer Marozsan ukinira Lyon yo mu Bufaransa.

Ronaldo watwaranye na Real Madrid UEFA Champions yegukanye iki gihembo ku nshuro ya gatatu, nyuma yo gutwara icyo mu mwaka ushize ubwo yahigikaga Antoine Griezmann na Gareth Bale.

Messi na Ronaldo ni bo bari bamaze kwegukana iki gikombe inshuro ebyiri; Messi mu 2010/11 na 2014/15 mu gihe Ronaldo yari yagitwaye kandi mu 2013/14 na 2015/16.

Ronaldo, Buffon na Messi bari bahanganiye iki gihembo cy’umukinnyi mwiza w’umwaka

Abandi batwaye iki gihembo ni Andrés Iniesta (Espagne, Barcelona) mu 2011/12 na Franck Ribéry (France, Bayern München) mu 2012/13.

Igikorwa cyo gutanga ibihembo ku bakinnyi bahize abandi mu mikino y’i Burayi, cyabaye kuri uyu wa Kane, tariki ya 24 Kanama 2017, hanotewe umunyezamu w’umwaka wabaye; Gianluigi Buffon wa Juventus yo mu Butaliyani, myugariro w’umwaka ni Sergio Ramos wa Real Madrid, umukinnyi mwiza wo hagati aba Luka Modric wa Real Madrid kimwe na rutahizamu w’umwaka wabaye Cristiano Ronaldo na we ukinira Real Madrid yo muri Espagne.

Ronaldo na Martens nibo bitwaye neza kurusha abandi i Burayi

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa