Umutoza wa Manchester United, Jose Mourinho akomeje kwicarira intebe ishyushye cyane, kuko mu ijoro ryo kuri uyu wa Kabiri yasezerewe na Derby County yo mu cyiciro cya kabiri mu mikino ya Carabao Cup, kuri penaliti 8-7 nyuma yo kunganya ibitego 2-2 mu minota 90 y’umukino, nabwo yishyuye ku bw’amahirwe.

Sponsored Ad

Mourinho wari ku kibuga cya Old Trafford,asezerewe na Frank Lampard yazamuye nk’umukinnyi none kuri ubu akaba ari umutoza wa Derby Count ucyiga ucyiga uyu mwuga kuko ataramara umwaka atoza.

Nubwo Juan Mata yafunguye amazamu ku munota wa 3 w’umukino,Derby yaje kwishyura iki gitego ku munota wa 59 gitsinzwe na Harry Wilson kuri Coup Franc.

Ku munota wa 69,umunyezamu wa Manchester United Sergio Romelu yahawe ikarita y’umutuku kubera ikosa yakoze ubwo yafatiraga umupira inyuma y’urubuga rwe,byatumye Mata ava mu kibuga aha umwanya umunyezamu Lee Grant.

Ibintu bayaje kuba bibi ku ruhande rwa Manchester United ubwo ku munota wa 86 umusore Jack Marriott yakuraga imitima y’abafana ba Manchester United mu gitereko, ashyiramo igitego cya kabiri.

Nyuma y’iminota 90,umusifuzi yongeyeho iminota 6 yafashije Manchester United kuko ku munota wa 4 w’inyongera Marouane Fellaini yishyuriye Manchester United amakipe yombi anganya ibitego 2-2.

Amategeko ya Carabao Cup avuga ko iyo iminota 90 irangiye amakipe yombi anganya hitabazwa penaliti bitabaye ngombwa ko hongerwaho iminota 30,izi penaliti nizo zasezereye Manchester United kuko abakinnyi b’amakipe yose bateye barinjiza uretse myugariro Phil Jones wateye iya 8 umunyezamu akayikuramo.

Bensh baribaza ahazaza h’umutoza wa Manchester United, Jose Mourinho uri mu mazi abira kuko uyu mukino wiyongereye ku wo ku wa Gatandatu yanganyijemo na Wolves 1-1 ku kibuga cya Old Trafford muri shampiyona ndetse yatsinzwe na Brighton na Tottenham.

Uko imikino ya Carabao Cup yabaye kuri uyu wa Kabiri yagenze: