Umukinnyi Didier Drogba wabaye kizigenza mu ikipe ya Chelsea FC yahishuriye abafana ba Chelsea FC ko ubuyobozi bwayo buri kuvugana cyane n’umutoza Frank Lampard bakinannye ndetse mu minsi mike biraza kuba byarangiye.

Sponsored Ad

Umuherwe wa Chelsea FC,Roman Abramovich, arashaka kuzana uyu mutoza umaze umwaka umwe atoza ikipe ya Derby County kugira ngo asimbure Maurizio Sarri uherutse kuyivamo akerekeza muri Juventus.

Mu kiganiro Didier Drogba yagiranye n’abafana be Live kuri Instagram,yabajijwe n’umwe mu bafana ba Chelsea umutoza ushobora kuza mu ikipe ya Chelsea idafite umutoza,ababwira ko hari ibiganiro byimbitse biri hagati y’ubuyobozi na Frank Lampard.

Yagize ati “Umwe mubo bari kuganira ngo afate akazi ni Frank Lampard.”

Umwe mu bafana ba Chelsea wishimiye aya makuru yabajije Drogba niba kuba yarabaye umukinnyi watsinze ibitego byinshi kandi akinira hagati amusubiza ko akunda ibitego ndetse nagera muri Chelsea ngo amwitezeho kuzitwara neza.

Frank Lampard ari hafi kuba umutoza wa Chelsea