Kigali

Dore ibintu bitangaje k’ubuzima bwa Yannick Mukunzi wavukiye i Burundi akaba yarazonze imitima y’abanyarwandakazi

Imikino   Yanditswe na: Muhire Jason 27 May 2018 Yasuwe: 9335

Yannick Mukunzi ni umusore w’imyaka 23 dore ko yabonye izuba taliki 2 ukwakira 1995 , mu Bwiza mu mugi wa Bujumbura mu gihugu cy’ u Burundi , Yannick Mukunzi ni umusore ufite uburebure bwa metero 1,75, akaba ari umusore ukina hagati asankaho afasha bamyugariro.

Yannick Mukunzi watangaje ko nta muntu mu muryango w’ iwabo akomoraho impano yo gukina ruhago biri mu bishimisha abamureba, ajya gutangira ibyaruhago yavuze ko yatangiye gukina umupira akiri umwana muto aho bakiniraga mu mihanda y’i Bujumbura.

Yannick Mukunzi ntiyarekeye aho kuko yageze mu Rwanda mu 2009 agakomeza kugaragaza impano ye kuburyo bukomeye, agahita atangira gukina muri Academy ya APR FC nyuma akayikurwamo n’uwabaga ari intyoza koko uyu musore yakomeje kwigaragaza bidasanzwe ku buryo nyuma y’imyaka itatu ari bwo yaje gushyirwa mu ikipe nkuru naho yigaragarije agatangira kurambagizwa n’ andi makipe akomeye hano mu Rwanda .

Yannick Mukunzi nawe udahwema gushimira ikipe ya APR FC yamuvanye aho umuhinzi yavanye inyoni Kuko APR FC yamuzamuriye izina ndetse utibagiwe igikundiro cye mu kibuga no mu mitima ya benshi na cyo kiratumbagira mu bafana b’ingeri zose ariko wagera kuba nyarwandakazi bikaba akarusho!

Yannick Mukunzi ukunda kugaragara aseka yishimye aho aba ari hose ubwo yabazwaga kuri APR FC yavuye mo akajya muri Rayon Sports yagize ati “ikipe ya APR nayigiriyemo ibihe byiza ku buryo ntashobora kuyibagirwa kuko niyo yatumye menyekana kuko ntangira no gukinira Ikipe y’Igihugu y’abatarengeje imyaka 17 niyo nari ndimo.”

Yannick kugeza magingo aya ugaragaza ibyishimo bidasanzwe muri Equipe ya Rayon Sports kubera ibihe byiza amaze kugirira mo mugihe gito amazemo. Dore ko Rayon Sports akunda by’ikirenga ku buryo yifuza kuyikinamo by’igihe kirekire, yamufashije gutwara igihembo cy’umukinnyi w’umwaka wa 2017-2018 mu bakunzwe n’abafana benshi ndetse bakaba bamaze no kugera mu matsinda mu makipe yabaye ayambere iwayo muri Afrika.

Uyu musore ukundwa n’abakobwa benshi cyane arashima ruhago kubera ibintu byinshi yagiye syungukiramo kugeza ubu Yannick Mukunzi. Mu myaka igera kuri itanu amaze mu mupira w’amaguru mu Cyiciro cya Mbere, yasaruyemo amafaranga arimo ayo ari kwifashisha mu kuzamura inzu ye ku Kimironko mu Mujyi wa Kigali, ifite agaciro k’arenga miliyoni 15 z’amafaranga y’u Rwanda.

Yannick Mukunzi yagize ati “Mu gihe maze nkina maze kwigeza kuri byinshi kuko kuva natangira gukina maze gutunga imodoka enye zirimo iyo mu bwoko bwa benz n’izindi. Ndi no kubaka inzu yanjye Kimironko. Umupira kandi wamfashije kujya mu bihugu bitandukanye kubera gukina.”

Yannick Mukunzi kimwe nkabandi bantu bose hari byinshi akunda nibyo yanga mu buzima bwa minsi yose, Mukunzi yavuze ko akunda gusenga ndetse no kwifatanya n’abantu baha agaciro abavandimwe.

Mu bijyanye n’amafunguro, uyu mukinnyi akunda cyane umuceri, ifiriti n’inyama, ifunguro anyurwa no guherekesha ibinyobwa birimo amata n’umutobe (Jus).

Mu bijyanye n’abakinnyi afata nk’icyitegererezo kuri we,Yannick Mukunzi akunda byimazeyo Umufaransa Paul Pobga ukinira Manchester United yo mu Bwongereza, mu gihe FC Barcelona yo muri Espagne ariyo kipe ahoza ku mutima.

Mu cyiciro cy’imyidagaduro, uyu mukinnyi aryoherwa no kumva umuziki wa Justin Bieber n’Umuhanzi w’Umunyarwanda Ngabo Medard Jobert [Meddy] ukorera umuziki muri Amerika.

Mukunzi Yannick afite inzozi zo kuba umukinnyi ukomeye wabigize umwuga, akabera abakiri bato icyitegererezo ndetse agakomeza gutanga umusanzu ufatika mu Amavubi.

Usibye gukina umupira w’amaguru, Mukunzi ni umukirisitu wahisemo gukurikira inzira y’agakiza ndetse rimwe na rimwe ateranira mu Itorero rya Zeal of the Gospel Church ry’Umuhanuzi Sultan Eric, riherereye i Nyamirambo ahazwi nka Cosmos.

Yannick Mukunzi kandi ubwo yabazwaga kukuba akundwa n’abakobwa benshi uyu musore yemeza ko hari benshi bamwoherereza ubutumwa bamubwira ko abanyura nubwo afite umukunzi we bari mu munyenga w’urukundo.

Yagize ati “Nibyo ndabizi ko abakobwa bankunda kuko hari abajya babinyandikira ariko sinjya mbitaho kubera ko mfite uwo dukundana kandi mpoza ku mutima.”

Yavuze ko umubare munini w’abamubwira ko bamukunda akeka ko babiterwa no kuba ari umukinnyi mwiza mu kibuga. Abakobwa barimo abakurikiranira hafi ruhago bakunze kugaragara haba ku bibuga no mu bindi bice baganjwe n’amarangamutima yo kubona Mukunzi ndetse hakaba n’aho yitabazwa ngo abafashe kugarura agatima impembero.

Uyu Mukobwa niwe uri murukundo na Yannick Mukunzi yitwa Joy .

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwatubyaye yatangaje ikizafasha Rayon Sports gutsindira Enyimba ku kibuga...

Myugariro Rwatubyaye Abdul uri mu bihe byiza muri iyi minsi ,yatangaje ko...
18 September 2018 Yasuwe: 1631 0

Sergio Ramos yandagaje bikomeye Antoine Griezmann uherutse kwigereranya na...

Myugariro wa mbere ku isi kugeza ubu Sergio Ramos ukinira Real madrid yise...
18 September 2018 Yasuwe: 1383 0

Kylian Mbappe yatangaje inkomoko y’ukuntu yishimira igitego atsinze

Rutahizamu wa PSG Kylian Mbappe ukunzwe na benshi mu bakunzi ba ruhago...
18 September 2018 Yasuwe: 1436 0

Gareth Bale yahaye ubutumwa bukomeye Loris Karius wafashije Real Madrid...

Rutahizamu Gareth Bale yabwiye umunyezamu Loris Karius wamuhaye igitego ku...
18 September 2018 Yasuwe: 1004 0

Uburanga bwa Victoria Bonya uri mu rukundo na Marouane Fellaini ari guca...

Hirya no hino ku mbuga nkoranyambaga hakomeje gucaracara amafoto agaragaza...
18 September 2018 Yasuwe: 1100 0

Mohamed Salah yatangaje intego Liverpool ifite uyu mwaka bituma ahabwa...

Rutahizamu wa Liverpool Mohamed Salah yatangaje ko we na bagenzi be...
18 September 2018 Yasuwe: 1046 1