Rutahizamu mushya wa Real Madrid,Eden Hazard yabwiye abafana b’iyi kipe bamaze iminsi bamwibasira ko baruhira ubusa kuko ibyo bamutuka atabyumva bitewe nuko atazi icyesipanyole.

Sponsored Ad

Hazard wagiye muri Real Madrid mu mpeshyi aguzwe akayabo ka miliyoni 150 z’amapawundi, yabwiye abafana ba Real Madrid bamwibasira ko atazi ururimi rw’ icyesipanyole bamutukamo bityo ntacyo ibitutsi byabo byamuhungabanyijeho.

Yagize ati “Ntabwo ndamenya Icyesipanyole [Spanish] niyo mpamvu ntumva abanenga.Ndabizi neza ko abantu bose bavuga Real Madrid ahantu hose,niyo mpamvu nayerekejemo.Nta kibazo na kimwe ndahura nacyo mu ikipe kugeza ubu.”

Hazard ntiyatangiye neza mu ikipe ya Real Madrid kuko kugeza ku munsi wa 8 wa La Liga afite igitego 1 gusa kandi mu mwaka washize muri Chelsea yaratsinze ibitego 21 mu marushanwa yose akanahesha iyi kipe igikombe cya Europa League banyagiye Arsenal 4-0.

Hazard amaze igihe avugirizwa induru n’abafana ba Real Madrid ndetse abandi bakamutukira ku mbuga nkoranyambaga gusa yabwiye The Sun ko ibyo bamutuka atabyumva kuko atazi ururimi rw’Icyesipanyole.