Kigali

Eden Hazard yamaze amatsiko abibaza ahazaza he mu ikipe ya Chelsea

Imikino   Yanditswe na: Dusingizimana Remy 13 May 2019 Yasuwe: 2915

Rutahizamu wa Chelsea FC,Eden Hazard yatangaje ko mu minsi ishize yabwiye ubuyobozi bw’iyi kipe ye ko yifuza kujya mu ikipe ya Real Madrid,agakorana na kabuhariwe Zinedine Zidane umukunda cyane.

Nyuma yo gukina iminota 20 gusa mu mukino Chelsea FC yanganyijemo na Leicester 0-0 ku munsi w’ejo,Eden Hazard yabwiye abanyamakuru ko yamaze kugeza icyifuzo ku buyobozi bwe ndetse ategereje nkuko n’abafana bategereje.

Yagize ati “Namaze gufata umwanzuro ariko ntabwo bikiri mu bubasha bwanjye.Nabibwiye ubuyobozi mu byumweru bishize.Nashatse ko bisobanuka hakiri kare ariko ndacyategereje nkuko n’abafana bategereje.”

Ikipe ya Chelsea ntiyifuza kurekura kabuhariwe Hazard usigaje umwaka umwe ku masezerano ye,ariko uyu Mubiligi w’umuhanga cyane arifuza kwigendera nyuma y’umukino wa nyuma wa UEFA Europa League bazakina na Arsenal I Baku.

Hazard umaze imyaka 7 muri Chelsea,arifuza ko yamurekura akagenda ariko kubera ko iyi kipe yamaze gufatirwa ibihano,ubuyobozi burashaka ko yabakinira umwaka utaha ndetse bari gushyira amananiza ku ikipe ya Real Madrid.

Abakunzi ba Chelsea bagaragarije Hazard ko bakimukeneye ku munsi w’ejo,ubwo bitwazaga ibyapa byanditseho ko amaraso ye ari ubururu akwiriye kuguma mu ikipe.



Abafana ba Chelsea barifuza ko Hazard yayigumamo ariko we ategereje kwerekeza muri Real Madrid

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa APR FC yabajije ikibazo gitangaje abanyamakuru nyuma yo...

Umutoza mushya wa APR FC,Mohamed Adil yanenze imisifurire yo mu gikombe...
15 September 2019 Yasuwe: 5970 0

Hazard na Courtois bagiriye inama Zidane y’umukinnyi yagura agafasha Real...

Rutahizamu Eden Hazard n’umunyezamu Thibaut Courtois babwiye umutoza wabo...
15 September 2019 Yasuwe: 3595 0

Neymar Jr yahaye ubutumwa bukomeye abafana ba PSG bamuvugirije...

Rutahizamu Neymar Jr waraye akinnye umukino we wa mbere muri PSG muri uyu...
15 September 2019 Yasuwe: 3406 0

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 4056 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 2462 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2417 0