Kigali

Eliud Kipchoge wamamaye mu gusiganwa muri Marathon yaciye agahigo katigishije isi yose [AMAFOTO]

Imikino   Yanditswe na: Dusingizimana Remy 12 October 2019 Yasuwe: 2271

Umunyakenya w’imyaka 33 Eliud Kipchoge ari kuvugwa mu bitangazamakuru hafi ya byose byo ku isi nyuma yo gukora agahigo ko kwiruka Marathon [ibirometero 42] mu gihe kingana n’isaha 1 iminota 59 n’amasegonda 40 mu irushanwa ryari ryateguwe na kompanyi ya INEOS mu mujyi wa Vienna muri Austria.

Eliud Kipchoge wari usanzwe ufite agahigo ko gusiganwa muri Marathon ndetse watwaye umudali wa zahabu mu mikino Olimpike yabereye I Rio mu mwaka wa 2016,yakoze agahigo ko kuba umuntu wa mbere kuva isi yaremwa urangije Marathon yuzuye akoresheje igihe kiri munsi y’amasaha 2.

Biratangaje cyane,niyo mpamvu buri kinyamakuru cyose gikomeye ku isi cyanditse izina Kipchoge kuri uyu wa Gatandatu nyuma yo kurangiza iri siganwa ahagaze neza.Muri iki gihe yakoresheje cya 1:59:40 ni ukuvuga ko buri kilometer yagikoreshemo iminota 2 n’amasegonda 50.

Kipchoge akimara gukora amateka yagize ati “Meze neza.Bisabye imyaka 65 kugira ngo undi muntu akore agahigo muri iyi siporo.Nyuma y’agahigo ka Roger Bannister,nishimiye kuba nkoze akandi gahigo ko kuba umuntu wa mbere ku isi urangije Marathon munsi y’amasaha 2.Nyuma yanjye ndabizi abandi bazabikora.”

Eliud yishimiwe n’ibyamamare bitandukanye birimo Chris Froome,Victor Wanyama,Mark Cavendish n’abandi benshi bakunda umukino wa Marathon[ Athletics].

Nyuma yo gukora aya mateka Eliud yasigiye inama abantu igira iti "Umubiri wawe nukubwira ko bidashoboka,jya wisekera nurangiza ukomeze urugendo."



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

N’ukudutesha icyubahiro kumbwira kubanza mu kibuga Sugira-Umutoza wa APR...

Umutoza wa APR FC,Mohamed Adil Erradi yabwiye abanyamakuru ko kumubwira...
23 October 2019 Yasuwe: 2250 0

Real Madrid yabonye 3 ya mbere muri UEFA Champions League mu gihe Cristiano...

Mu mikino y’amakipe yabaye aya mbere iwayo I Burayi izwi nka UEFA...
23 October 2019 Yasuwe: 1659 0

Rayon Sports yeretse Bugesera FC ko ubwoba yari ifite bwo gukinira ku...

Ikipe ya Rayon Sports yigaranzuye Bugesera FC yayigoye mu mwaka w’imikino...
22 October 2019 Yasuwe: 4661 2

APR FC yisubije umwanya w’icyubahiro mu gihe Gasogi United yahagamye Police...

APR FC yongeye kwereka Marines FC murumuna wayo ko ari ubukombe iyitsinda...
22 October 2019 Yasuwe: 3518 0

Rayon Sports yemeye kugurisha Jules Ulimwengu mu ikipe yo mu...

Ubuyobozi bw’ikipe ya Rayon Sports bwemeye kugurisha rutahizamu wabo...
22 October 2019 Yasuwe: 6007 1

APR FC yafatiye ibihano Sugira Ernest kubera ibyo yatangaje nyuma yo...

Ubuyobozi bwa APR FC bwafashe umwanzuro wo guhagarika rutahizamu Sugira...
22 October 2019 Yasuwe: 4329 1