Emery Bayisenge uri mu Rwanda mu kiruhuko aragaragaza zimwe mu mbogamizi yahuye nazo akigera muri Maroc

10 January 2017. | Imikino | 10 Ibitekerezo | Canisius Kagabo
  • Emery Bayisenge uri mu Rwanda mu kiruhuko aragaragaza zimwe mu mbogamizi yahuye nazo akigera muri Maroc

Myugariro mpuzamahanga w’umunyarwanda ukinira ikipe ya KAC Kenitra yo muri Maroc ubu uri mu Rwanda mu kiruhuko, Emery Bayisenge avuga ko akigera muri Maroc hari byinshi byamugoye harimo kwisanga mu irindi tsinda ry’abakinnyi ataramenyereye, gukina muri shampiyona mpuzamahanga avuye kuyo hasi n’ibindi, gusa avuga ko ubu byakemutse yamenyereye.

Umwaka ushize wa 2016, tariki ya 22 Kanama nibwo Emery Bayisenge yasinyiye iyi kipe amasezerano y’imyaka itatu ndetse ahita atangira no kuyikinira.

Nyuma kugera mu Rwanda, Emery Bayisenge arimo gukorera imyitozo mu ikipe ya APR FC yahozemo mbere, mu kiganiro yagiranye na Umuryango.rw, yadutangarije ko yaje mu Rwanda mu kiruhuko, ndetse anagaruka kuri zimwe mu mbogamizi yahuye nazo akigera muri Maroc.


Emery nyuma yo gusinyira Kenitra yarayikiniye anayitsindira igitego

Yagize ati" ndi mu Rwanda naje mu kiruhuko, birumvikana iyo uhinduye agace byanze bikunze aho ugiye hari ibigomba kugutonda, ku giti cyanjye ikintu cyantonze cyane harimo kwisanga mu itsinda ry’abakinnyi tutari tumenyeranye nari mbonye bwa mbere, kuba naringiye gukina muri shampiyona mpuzamahanga bwa mbere, imyitwarire y’ikipe ntamenyereye n’ibindi bintu byinshi bigora umuntu ariko byose biramerwa ubu ntakibazo."

Emery yakomeje avuga ko amahirwe no gukora cyane biri mu byamufashije kwitwara neza no kubona umwanya ubanzamo mu kibuga hariya muri Maroc dore ko ubu ku mwanya we ari we mahitamo ya mbere y’umutoza.

Yagize ati"navuga ko ari ugukora cyane ndetse nkagira n’amahirwe, kuko iyo ukoze cyane ukagira n’amahirwe byanze bikunze bibyara ikintu kizima. "

Emery Bayisenge muri iyi minsi ari mu Rwanda mu kiruhuko, akaba avuga ko atazi igihe azasubirira muri Maroc ariko ngo isaha n’isaha yagenda, ikipe ye ikaba yararangije igice cya mbere cya shampiyona iri ku mwanya wa 14.

Ibitekerezo
  • MyPassion

    john
    11 January 2017 - Musubize

    woow byiza niba niba yaranamenyereye akaba abanza mu kibuga, amaze gutsinda se ibitego bingahe muri iyo kipe

  • MyPassion

    Eugene
    10 January 2017 - Musubize

    Reka mbashimire ku bwamakuru muduha meza nukuri murafufashacyane,ntawuneza bose abobabaca intege mubareke mumomez mutwihere amakuru turabemera cyane

  • MyPassion

    kalim
    10 January 2017 - Musubize

    ndababaramukije bagabo nje nkababariko baravuga ibi nabanyagwanda canke?menga babivuze bafise isoni kuko nje ndabona iyi nkuruntakibazo ifise gose

  • MyPassion

    xxxx
    10 January 2017 - Musubize

    naze mu rwanda namahoro turamwakiriye cyane

  • MyPassion

    MUHIRE
    10 January 2017 - Musubize

    iyi Nkuru iri Pauvre irakennye pe.Kuko Ntacyintu nkubu Ntabwo utubwiye Impamvu atazi italiki azasubirayo ???????????????.Imbogamizi ntazo usobanuye!!!!!!!!!!!!!

  • MyPassion

    Gilbert
    10 January 2017 - Musubize

    wowe c wazagiye bakakaguha@Charles wagira ngo avuge ikirire cg ururimi rutamugoye? mujyenamwe mwandika ibyo muzi mwatekerejeho

  • MyPassion

    rebero
    10 January 2017 - Musubize

    hhhhhhhh@Titus niki washakaga utabonye? we ibyo nibyo byamutonze kandi biranumbikana rero sinzi ikindi washakagamo

  • MyPassion

    sake
    10 January 2017 - Musubize

    mubyukuri nkiki kinyamakuru kimariye iki abantu mwagiyemukora inkuru zirimo ubuhanga uziko nibyo mayibobo yabihimba

  • MyPassion

    Kagabo Titus
    10 January 2017 - Musubize

    Iyi nkuru ni iya rwana. Nta kintu kirimo kabisa! Abanyamakuru baragwira.

  • MyPassion

    kubwimana Charles
    10 January 2017 - Musubize

    Ariko abanyamakur bandika mu rwanda mubona hari agaciro muha umwuga wangu?ubu nkiyi nkuru hari ikintu utbwiye gifatika kigaragaza imbogamizi nyirizina yahuye nazo cyangwa ntabyo wamubajije. wakagombye gushyiraho ingero runaka: Urugero 1.Imirire,Ururimi ets......... Ariko ikibazo si mwebwe kk ababaha akazi sinzi icyo baba bashingiyeho.

Tanga Igitekerezo