skol
fortebet

Enyimba FC isezereye Rayon Sports muri CAF Confederations Cup

Yanditswe: Sunday 23, Sep 2018

Sponsored Ad

Ikipe ya Enyimba FC inyagiye Rayon Sports ibitego 5-1 iyisezerera mu mikino ya ¼ cy’irangiza cya CAF Confederations mu mukino wabereye ku kibuga cyayo cya Enyimba International Stadium.

Sponsored Ad

Ubwugarizi bwa Rayon Sports ntibwahiriwe n’uyu mukino wo kwishyura kuko ibitego byose uko ari bitanu byabuturutseho.

Igitego cya mbere cyatsinzwe Stanley Dimgba ku munota wa 12 ku ikosa ryakozwe na Mutsinzi Ange wari ku rwego rwo hasi cyane muri uyu mukino .

Rayon Sports ntiyacitse intege kuko yahise isatira cyane ku munota wa 25 Rutanga Eric akata umupira mwiza imbere y’izamu, Bimenyimana Bonfils Caleb ashyiramo igitego cya mbere cya Rayon Sports.

Ku munota wa 29 Enyimba FC yokeje igitutu Rayon Sports ubwugarizi ntibwabyitwaramo neza by’umwihariko Mutsinzi Ange wambuwe umupira na Ikouwem Utin atera umupira awushota kuri Manzi Thierry ujya mu izamu.

Igice cya kabiri kigitangira Enyimba FC yatsinze igitego cya 3 cyatsinzwe na Sunday Adetungi ku mupira yahawe hagaze neza mu rubuga rw’amahina.

Rayon Sports yacitse intege bituma ku munota wa 71 itsindwa igitego cya 4 cyatsinzwe na Joseph Osadiaye kuri Coup Franc yateye,ikubita ku mutwe wa Rwatubyaye ujya mu izamu.

Enyimba FC yakubise ahababaza Rayon Sports ku munota wa 80 ku gitego cya gatanu cyatsinzwe na Oladuntoye Isiaka ,birangira ari ibitego 5-1 mu mikino yombi.

Rayon Sports yakoze amateka yo kugera muri kimwe cya ¼ bwa mbere mu mateka,ntishoboye kugera muri ½ ndetse ntabwo izitabira amarushanwa nyafurika umwaka utaha kuko yabuze itike.
Enyimba FC izahura n’izarokoka hagati CARA Brazzaville na Raja Cassablanca zirakina uyu munsi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa