Kigali

Ese aho Rayon Sports ntiyaba itera umwaku?

Imikino   Yanditswe na: Dusingizimana Remy 30 January 2018 Yasuwe: 6064

Ikipe ya Rayon Sports n’imwe mu makipe yagiye igira abakinnyi bakomeye ndetse bagiye bagira ibigwi bikomeye gusa bagiye bagorwa n’ibibazo bitandukanye bigatuma umupira wabo usubira inyuma kandi barayivuyemo bari ku rwego rwo hejuru.

Umuryango wabateguriye bamwe mu bakinnyi bavuye muri Rayon Sports bagera mu yandi makipe bikanga ndetse bikarangira ayo makipe abarekuye.

Witakenge Jannot

Jannot Witakenge yabaye umukinnyi wa Rayon Sports kuva mu 1990 avuye muri Espoir FC, aza kujya i Burundi muri Associacion Sportif Inter Stars kubera Jenoside yakorewe Abatutsi.

Witakenge yagarutse muri Rayon Sports mu Ukwakira 1996 ayikinira kugeza mu 1999 ubwo yajyanaga n’ikipe y’igihugu Amavubi mu Bubiligi agahita atoroka,ibintu bitamuhiriye kuko umupira we wasubiye inyuma kandi yari umwe mu bakinnyi b’abahanga mu kibuga hagati byatumye yerekeza muri APR FC hatamuhiriye na busa.

Witakenge ntiyigeze yongera guhirwa na ruhago kugeza asezeye mu mwaka wa 2009.

Sina Jerome

Uyu musore uvuka muri Repubulika iharanira Demokarasi ya Congo ni umwe mu bazamuriye izina muri Rayon Sports gusa yayivuyemo ubwo yasubiraga iwabo ndetse agaruka akinira Police FC bitamuhiriye kuko umupira we kuri ubu wabaye baringa.

Hategekimana Aphrodis Kanombe

Kanombe ni umwe mu bakinnyi bari bakunzwe muri Rayon Sports ndetse babaye kapiteni wa Rayon Sports gusa mu mwaka wa 2015 yavuye mu Rwanda yerekeza mu ikipe ya SOFAPAKA yo muri Kenya ari kumwe na Ndayisenga Fuadi gusa ntibahiriwe n’urugendo kuko byarangiye iyi kipe ibarekuye.

Ndayisenga Fuadi

Ndayisenga Fuadi wahoze ari kapiteni wa Rayon Sports ndetse wanayifashije kwegukana igikombe cya shampiyona 2013, yayivuyemo mu kwezi kwa 6 mu mwaka wa 2015 yerekeza muri SOFAPAKA yo muri Kenya gusa ayigezemo ntiyahiriwe kuko yasubiye inyuma bituma arekurwa .

Fuadi wari umwe mu bakinnyi bakomeye bakinaga ku mpande mu Rwanda yasubiye inyuma bikomeye ndetse yongeye kuvugwa mu Rwanda ubwo yazaga gukora igeragezwa muri Rayon Sports mu ntangiriro z’iyi shampiyona birangira aritsinzwe nubwo kuri ubu yamaze gusinyira AS Kigali.

Mwiseneza Djamal

Mwiseneza yakinnye igihe kirekire muri Rayon Sports kuva akiri mutoya, aho yavuye muri Rayon Sports yerekeza muri APR FC mu mwaka wa 2014 amaze gufasha Rayon Sports gutwara igikombe cya shampiyona cya 2013.

Djamal ntiyahiriwe muri iyi kipe kuko yagezemo akubitana n’imvune ikomeye yatumye atongera gukina kugeza arangije amasezerano umwaka ushize akaba yagarutse muri Rayon Sports.

BOKOTA Labama

Bokota n’umwe mu bakinnyi bakoze ku mitima y’abafana ba Rayon Sports akigera mu Rwanda muri 2008 kuko yahise atsinda ibitego 2 mukeba wayo APR FC ndetse abasha kuyobora urutonde rw’abatsinze ibitego byinshi muri shampiyona kandi yaraje mu mikino yo kwishyura.

Bokota Labama yavuye muri Rayon Sports yerekeza muri APR FC mu mwaka wa 2010 ariko kubera ingeso yari yaramwokamye yo gutoroka akerekeza muri Congo nta ruhushya asabye, byatumye iyi kipe imwirukana n’umupira we urangira utyo ndetse kuri ubu ari muri Musanze FC.

Ndatimana Robert

Ndatimana Robert wari umaze imyaka 2 ari umukinnyi wa Rayon Sports yayivuyemo mu mwaka wa 2015 yerekeza muri Police FC ntibyamuhira kuko yahuye n’ibibazo birimo kubura umwanya wo gukina no gufungwa bituma iyi kipe imurekura yerekeza muri Bugesera FC.

Ndatimana yari umwe mu bakinnyi Rayon Sports yagenderagaho ndetse yari afite umwanya uhoraho mu ikipe ya Rayon Sports yamuguze imukuye mu Isonga FC.

Usengimana Faustin

Faustin ni umwe mu bakinnyi bahuye n’ibibazo bikomeye nyuma yo kuva mu ikipe ya Rayon Sports yerekeza muri APR FC mu mwaka wa 2015, aho imyaka 2 yasinye muri APR FC yayimaze ku ntebe y’abasimbura ndetse benshi bemezaga ko atakiri umukinnyi w’umupira w’amaguru.

Ismaila Diarra

Uyu munya Mali ukundwa na benshi mu bafana ba Rayon Sports,ntiyahiriwe no kuva muri Rayon Sports yerekeza muri Darling Club Motema Pembe mu mwaka wa 2016 kuko yayigezemo abura umwanya wo gukina bituma afata umwanzuro wo kwigarukira muri Rayon Sports.

Abuba Sibomana

Sibomana Abuba yavuye muri Rayon Sports 2015, yerekeza muri Gor- Mahia nubwo yabanje kuba umukinnyi ngenderwaho muri iyo kipe aza kugira ikibazo bituma Gor-Mahia imurekura akaruka mu Rwanda muri Rayon Sports naho ntibyamugendera neza ajya muri APR FC.

Hari abandi bakinnyi bahuye n’ibibazo bakiva muri Rayon Sports nka Bikorimana Gerrard,Nshimiyimana Idi n’abandi batandukanye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Holy Damnizzo

    Ntibyaburarwose iramagirape

    3 months ago
  • chat_bubble Nzitonda Junior Principle

    yoooo itera umwaku byahatari

    3 months ago
  • chat_bubble Kubwimana Bruno

    niba.gasenyi.itera.umwaku.bayikuremugihugu

    3 months ago
  • chat_bubble Nx Olivier Zolympia

    Guy ukuri kuraryana kurakurugutura

    3 months ago
  • chat_bubble Holy Damnizzo

    Uzi ukuntu ukurikuryana!amashyariyarabiche

    3 months ago
  • chat_bubble Ganza Honore Bosco

    Injijimbi niyize koko Ubu nkawe wakoze inkuru nonese niba bava muri Rayon bakumvako babaye aba star ubwo urumva umwaku itera aruwuhe? Nonese kuki abavuye muri apr berekeza hanze kuki barimo kugaruka ? Ese nawo numwaku baba batewe? Mujye muba abanyamakuru bumwuga muduhe inkuru zifatika zatwubaka.

    3 months ago
  • chat_bubble Mugisha

    Ese ko mutavuze ko utavuze abayivuyemo bagakomeza kwitwara neza kubanda kuri abo? ese niba ureba nahandi hose kwisi ntujya ubonako umukinnyi ahindura ikipe agasubira inyuma ? jya ushyiramo ubwenge mu kazi kawe.

    3 months ago
  • chat_bubble twineza dunia

    Uraho neza munyamakuru, maze gusoma ubusesenguzi bwawe, nagize ikibazo niba warabukoze witonze cg se niba warahubutse! Mpereye ku ngero watanze, nakubwira ko nta shingiro zifite kuburyo wakora inkuru wibaza niba Rayon itera umwaku. Ujye wibuka ko football imeze nk urusimbi, uyu munsi ushobora kumera neza, ariko ejo bikanga. Kandi uko umukinnyi agenda akura, niko n’ubushibozi n’ubuhanga bye bigenda bigabanuka. Ikindi si Rayons gusa, kuko ni Europe bibayo, urugero: Fabregas, Song, Van persie bo muri Arsenal, byagandegekeye ute. reka ne kujya kure, IRANZI, MIGI, OMBOLENGA, nabandi ntibuka muri APR bo byagenze ute? nk uko hari abo byanze bavuye muri Rayon hari nabo byahiriye cyane bayivuyemo. Urugero: Haruna Niyonzima, Muhajili, Ngabo Albert, Jannot muri APR, Bokota muri APR, ahubwo analyze zawe zirapfuye pe

    3 months ago
  • chat_bubble Hategekimana

    Abarimo kuvuga ngo uyu munyamakuru yashyizemo amarangamutima murakabya, yanditse ibiriho kandi namwe abenshi muzi. Icyo mutazi ni uko namwe ibyo murimo kuvuga murabivugishwa n’ amarangamutima

    3 months ago
  • chat_bubble Gaheta John

    Uyu munyamakuru ibyo yavuze ni ukuri ntaho yabeshye. Kandi musome neza ntabwo yigeze avuga ko Rayon itera umwaku ahubwo yabyibajijeho?

    3 months ago
  • chat_bubble John

    Fake journalism !

    3 months ago
  • chat_bubble GASASIRA

    Ariko se nkawe wa munyamakuru we uwo mutwe w’inkuru yawe urumva utagushyira mubantu barwanya aba rayon nonese ko wibanze kubavuye muri rayon nturebe kubavuye muyandi ma equipe? nonese ba Sugira ,rwatubyaye,Iranzi ,n’abandi basubiye inyuma bavuye muri rayon?ujye ugabanya ubufana bwawe ukore akazi kawe uko bikwiye.

    3 months ago
  • chat_bubble ber

    Wowe munyamakuru ndakugaye rwose!kuko ibi wabikoreshejwe namarangamutima urwango n’ishyari ufitiye ikipe ya Rayon.Gusa ngo imitunu yurukwavu ntibuza ishyamba gushya.

    3 months ago
  • chat_bubble djuma

    harakurikiraho nshuti savio sindahura ariko niwe utahiwe

    3 months ago
  • chat_bubble serge

    zero proffesionalism !!!! ngo equipe itera umwaku reka reka biterwa na facteur nyinshi kdi zimwe zigirwamo uruhare nabakinnyi ubwabo nko kudatuza ngo bakine umupira ahubwo bakikundira kujarajara niyo view yanjye naho rayon yo ni equipe isobanutse!!!

    3 months ago
  • 1 | 2

Inzindi nkuru

Sergio Ramos yabwiye amagambo akomeye abagereranya Mohamed Salah na...

Kapiteni w’ikipe ya Real Madrid Sergio Ramos yabwiye abantu bamaze iminsi...
26 May 2018 Yasuwe: 3139 0

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1518 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 853 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1555 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4730 1

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 2049 0