Danny Usengimana rutahizamu wa Police FC n’ikipe y’igihugu Amavubi bivugwa ko yasinyiye ikipe ya Singida United yo muri Tanzania, havutse ikintu gisa n’urujijo kuko Danny aratangaza ko atayisinyiye ariko bakaba baramwegereye. Ubuyobozi bw’iyi kipe bwo buvuga ko butigeze buhura nawe.
Mu mpera z’iki cyumweru dusoje nibwo inkuru yisinya rya Danny Usengimana muri Singida United ryavuzwe cyane yaba mu Rwanda ndetse no hanze ya rwo.
Ibinyamakuru byo muri Tanzania byanditse ko Singida yasinyishije (...)

Sponsored Ad

Danny Usengimana rutahizamu wa Police FC n’ikipe y’igihugu Amavubi bivugwa ko yasinyiye ikipe ya Singida United yo muri Tanzania, havutse ikintu gisa n’urujijo kuko Danny aratangaza ko atayisinyiye ariko bakaba baramwegereye. Ubuyobozi bw’iyi kipe bwo buvuga ko butigeze buhura nawe.

Mu mpera z’iki cyumweru dusoje nibwo inkuru yisinya rya Danny Usengimana muri Singida United ryavuzwe cyane yaba mu Rwanda ndetse no hanze ya rwo.

Ibinyamakuru byo muri Tanzania byanditse ko Singida yasinyishije umukinnyi ukomoka mu Rwanda akaba inshuti cyane na kapiteni wungirije mu ikipe ya Yanga Africans ndetse na akaba ari kapiteni w’Amavubi ari we Haruna Niyonzima.

Ibindi bikaba byaranditse ko Danny yaguzwe agera ku bihumbi 100 by’amadora akazajya ahembwa ibihumbi 2500 by’amadorari ku kwezi ngo akaba yarasinye imyaka ibiri.

Ku ruhande rw’ubuyobozi bwa Singida United buvuga ko butazi uyu musore bukaba nta n’ibiganiro baragirana.

Abdarahaman Sima perezida w’ikipe ya Singida United yatangarije ikinyamakuru Futaa.co.tz ko nta biganiro bigeze bagirana na Danny Usengimana kuko bo ngo bamaze gusinyisha abakinnyi batutu.

Ati "Ayo makuru yagiye hanze ntago ariyo. Nta biganiro ibyo aribyo byose twagiranye, yewe nta nubwo turanamwegera. Twamaze gusinyisha abakinnyi baturuka muri Zimbabwe navuga ko aribo turi kumwe kugeza ubu. Byavugwaga ko umutoza Hans ariwe wamushimye kandi ntari mu gihugu(Tanzania), ubwo naza akabitubwira nibwo tuzamenya icyo gukora."