Kigali

Espagne yanganyije na Portugal mu mukino Cristiano Ronaldo yagaragaje ubudasa

Imikino   Yanditswe na: Dusingizimana Remy 15 June 2018 Yasuwe: 2512

Mu mukino w’itsinda B wahuje ikipe ya Portugal na Espagne,warangiye amakipe yombi anganyije ibitego 3-3,Cristiano Ronaldo ataha aririmbwa n’abakunzi ba ruhago kubera ukuntu yigaragaje muri uyu mukino.

Umukino ugitangira ku munota wa 3 gusa Cristiano yafunguye amazamu kuri penaliti nyuma yo gutegerwa mu rubuga rw’amahina na myugariro Nacho Fernandez bakinana mu ikipe ya Real Madrid.

Espagne yari yabanje mu kibuga abakinnyi bafite amazina akomeye ndetse bazwiho guhererekanya umupira yahise yiharira umukino ndetse itangira kurusha bikomeye Portugal byatumye ku munota wa 24 Diego Costa yishyura igitego nyuma yo gucenga myugariro Jose Fonte wa Portugal,agatera ishoti rikomeye mu izamu Patricio ntabashe kurikuramo.

Ku munota wa 44 nibwo Portugal yibye umugono Espagne Guedes ahereza umupira Cristiano Ronaldo atera ishoti ritari rikomeye ryaganaga aho umunyezamu De Gea yari ari,agiye gufata umupira uramucika wigira mu izamu,bituma amakipe yombi ajya kuruhuka ari ibitego 2 bya Portugal kuri kimwe cya Espagne.

Espagne yahabwaga amahirwe yo gutsinda uyu mukino yatangiye igice cya kabiri iri hejuru cyane ndetse iri guhererekanya umupira ku kigero cya 62 ku ijana byatumye Diego yongera kuyitsindira igitego ku munota wa 54.

Bidatinze ku munota wa 58, myugariro Nacho Fernandez yaje kubona umupira mwiza waturutse ku gitutu gikomeye botsaga Portugal,akubita ishoti rikomeye adahagaritse umupira ukubita igiti cy’izamu winjiramo,Espagne iba ibonye igitego cya 3 kuri 2 bya Portugal.

Ku munota wa 88 nibwo kabuhariwe Cristiano Ronaldo yeretse isi yose ko Ballon d’Or 5 afite atazibonye ku bw’amahirwe cyangwa impanuka kuko yatsinze igitego cyiza cyane kuri Coup franc,amakipe yombi arangiza anganya ibitego 3-3.

Iri tsinda rya B riyobowe na Iran yatsinze Maroc igitego 1-0 mu mukino wabanje mu gihe aya makipe yombi ayikurikira n’inota 1.

Abakinnyi babanje mu kibuga:
PORTUGAL (4-4-2)
: Patricio ; Soares , Pepe , Fonte , Guerreiro ; Bernardo Silva (Quaresma 69), Moutinho , William Carvalho , Bruno Fernandes (Mario 69); Ronaldo, Guedes (Andre Silva 80)

SPAIN (4-2-3-1): De Gea ; Nacho , Pique , Ramos, Alba ; Busquets , Koke ; David Silva (L. Vazquez 86), Isco, Iniesta (Thiago 69); Costa (Aspas 77)







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

FC Barcelona yakoze igikorwa gikomeye kigaragaza ko ishaka Paul...

Ikipe ya FC Barcelona yari imaze iminsi ihisha ko ishaka umukinnyi Paul...
22 September 2018 Yasuwe: 76 0

Lionel Messi yashimishije benshi mu bakunzi ba ruhago kubera umwanzuro...

Rutahizamu Lionel Messi wa FC Barcelona yatunguye benshi mu bakunzi ba...
22 September 2018 Yasuwe: 1448 0

FERWAFA yongeye gusubiza umukino wa Super Cup I Rubavu nyuma y’amahano...

Ishyirahamwe ry’umupira w’Amaguru mu Rwanda, FERWAFA ryamaze kwemeza ko...
21 September 2018 Yasuwe: 770 0

Abakinnyi 6 bavukiye mu miryango ikize cyane bagahitamo gukina umupira...

Nubwo benshi mu bakinnyi bakunze kuvuga ubuzima bugoye banyuzemo ndetse...
21 September 2018 Yasuwe: 3945 0

Manzi Thierry yatangaje ibanga bazakoresha kugira ngo basezerere Enyimba...

Kapiteni w’ikipe ya Rayon Sports Manzi Thierry wagarutse mu kibuga nyuma...
21 September 2018 Yasuwe: 1240 0

Cristiano Ronaldo yahaye ubutumwa bukomeye umuhungu we wavuze ko azamurusha...

Kabuhariwe Cristiano Ronaldo yabwiye umuhungu we w’imfura Cristiano Jr ko...
21 September 2018 Yasuwe: 2203 0