skol
fortebet

FC Barcelona yahaye PSG urutonde rw’abakinnyi 6 na miliyoni 90 z’amayero kugira ngo ibone Neymar

Yanditswe: Friday 19, Jul 2019

Sponsored Ad

Ikipe ya Barcelona yazamuye igiciro yatangaga kuri Neymar Jr igeza kuri miliyoni 90 z’amayero yongeraho n’abakinnyi 2 babiri bagomba kuva mu rutonde rurimo Coutinho, Dembele, Rakitic, Semedo na Malcom.

Sponsored Ad

FC Barcelona irifuza cyane Neymar Jr ku buryo yemeye gutakaza benshi mu bakinnyi bayo kugira ngo imubone cyane ko iheruka UEFA Champions League ayirimo.

Ikipe ya FC Barcelona yaherukaga guha PSG akayabo ka miliyoni 40 z’amapawundi yongeraho Philippe Coutinho na Ousmane Dembele ariko PSG iyibwira ko ishaka miliyoni 200 z’amapawundi.

Impamvu FC Barcelona iri guha PSG abakinnyi bayo bakomeye ikanongeraho amamiliyoni ni uko yamaze gutakaza amafaranga menshi igura Frenkie De Jong na Antoine Griezmannbityo iramutse itanze miliyoni zigera kuri 200 isabwa na PSG yahabwa ibihano bya Financial Fair Play.

FC Barcelona yemeye guha PSG miliyoni 90 z’amayero ikongeraho abakinnyi 2 PSG yahitamo muri 6 barimo Coutinho, Dembele, Rakitic, Semedo,Umtiti na Malcom.

Neymar Jr yamaze kubwira ubuyobozi bwa PSG ko adashaka kuyigumamo ariko ubuyobozi bwa PSG bwavuze ko niba FC Barcelona ishaka uyu mukinnyi igomba gutanga akayabo ka miliyoni 198 z’amapawundi yamutanzeho mu mwaka wa 2017 mu gihe FC Barcelona yayinginze ko yakwemera bakaziyishyura mu byiciro kugeza mu mpera za 2020.


Coutinho na Dembele mubo FC Barcelona yifuza guha PSG ngo ibone Neymar Jr

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa