Kigali

FC Barcelona yanyagiye ikipe ya Napoli mu mukino Antoine Griezmann yatsinzemo igitego cye cya mbere

Imikino   Yanditswe na: Martin Munezero 11 August 2019 Yasuwe: 1568

Umufaransa Anoine Griezmann yatsindiye FC Barcelona igitego cya mbere kuva yayigeramo avuye muri Atletico Madrid, mu mukino w’irushanwa rya Liga -Seria A Barcelona yanyagiyemo Napoli ibitego 4-0 ikanayitwara igikombe.



Aya makipe yombi yari yahuriye mu mukino wo kwishyura w’iri rushanwa, nyuma y’ubanza wari wakinwe mu cyumweru gishize na wo Barcelona ikawutsinda ku bitego 2-1.

FC Barcelona yatsinze Napoli iyirusha cyane, bitandukanye n’umukino ubanza yatsinze ariko iyi kipe yo mu Butaliyani yayihushije ibitego byinshi.

Antoine Griezmann yashoboraga gutsindira Barcelona igitego nyuma yo gusigara arebana n’umuzamu bonyine, gusa umupira ntiyashobora kuwushyira mu ncundura. Luis Suarez na Ousmane Dembele na bo bagiye babona uburyo bwari gutuma Barca ifungura amazamu, gusa na bo ntibabasha kububyaza umusaruro.

Igice cya kabiri cy’umukino cyaranzwe no kwataka cyane ku ruhande rwa FC Barcelona, birangira itsinze ibitego byose bine byarangije umukino.

Luis Suarez watsindiye Barcelona igitego cy’insinzi ikina na Arsenal mu cyumweru gishize, yongeye kwigaragaza ku munota wa 48 atsindira Barcelona igitego cya mbere; mbere yo kongera kunyeganyeza incundura ku munota wa 58.

Antoine Griezmann yatsindiye Barcelona igitego cya gatatu, mbere y’uko Ousmane Dembele asoza akazi mu minota ya nyuma y’umukino.

Uyu mukino ntabwo wagaragayemo Kapiteni Lionel Messi ufite imvune itanamwemerera gukina umukino w’umunsi wa mbere wa Espagne FC Barcelona izahuriramo na Atletico Bilbao.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Munyakazi Sadate na KNC bateranye amagambo karahava mbere yo gukina umukino...

Perezida wa Rayon Sports,Munyakazi Sadate yise Gasogi United umwana...
12 November 2019 Yasuwe: 1428 0

Neymar Jr yasohokanye w’uburanga budasanzwe bivugwa ko ariwe bari kumwe mu...

Rutahizamu wa PSG,Neymar Jr, umaze iminsi mu mvune yatumye benshi bacika...
12 November 2019 Yasuwe: 1932 0

Abakinnyi ba Juventus basabye Cristiano Ronaldo ikintu gikomeye nyuma yo...

Abakinnyi ba Juventus bababajwe cyane n’imyitwarire mibi ya Cristiano...
12 November 2019 Yasuwe: 2933 0

Ikipe y’igihugu cy’u Rwanda ’AMAVUBI’ yageze muri Mozambique[AMAFOTO]

Abakinnyi 22 b’ikipe yigihugu Amavubi bahagurutse i Kigali mu rukerera rwo...
12 November 2019 Yasuwe: 1032 0

Munyaneza Didier yatangiranye imbaraga zidasanzwe Tour du Senegal ahita...

Umunyarwanda Munyaneza Didier uzwi nka Mbappe yitwaye neza mu gace ka...
12 November 2019 Yasuwe: 706 0

Cristiano Ronaldo ashobora kumara imyaka 2 adakina kubera amakosa akomeye...

Rutahizamu w’ikipe ya Juventus,Cristiano Ronaldo ari mu mazi abira kubera...
11 November 2019 Yasuwe: 5984 0