Ikipe ya FC Barcelona yahagaritse imyitozo yose yagombaga gukorwa mu makipe yabo yose yaba inkuru ndetse n’izakiri bato mu rwego rwo kwigaragambya no kwerekana ko ishyigikiye ubwigenge bw’intara ya Catalunya. Iyi kipe ibarizwa muri iyi ntara yo na Girona ndetse na Espagnol,ibinyujije ku mbuga za interineti zayo yamaze gutangaza ko nta gikorwa cya ruhago kirakorwa kuri uyu wa kabiri taliki ya 03 Ukwakira 2017 mu rwego rwo gukomeza kwereka leta ya Espagne ko bifuza ubwigenge bw’iyi ntara.” (...)

Sponsored Ad

Ikipe ya FC Barcelona yahagaritse imyitozo yose yagombaga gukorwa mu makipe yabo yose yaba inkuru ndetse n’izakiri bato mu rwego rwo kwigaragambya no kwerekana ko ishyigikiye ubwigenge bw’intara ya Catalunya.

Iyi kipe ibarizwa muri iyi ntara yo na Girona ndetse na Espagnol,ibinyujije ku mbuga za interineti zayo yamaze gutangaza ko nta gikorwa cya ruhago kirakorwa kuri uyu wa kabiri taliki ya 03 Ukwakira 2017 mu rwego rwo gukomeza kwereka leta ya Espagne ko bifuza ubwigenge bw’iyi ntara.”

Bagize bati “FC Barcelona yifatanyije na buri wese wifuza ko demokarasi yakubahirizwa, niyo mpamvu ibikorwa byose by’ikipe birafungwa kuri uyu wa kabiri.Nta kipe nimwe yaba mu bakiri bato kugeza ku bakuru igomba gukora imyitozo.Twamaganye ibikorwa bya leta ya Espagne byo kuburizamo amatora ya kamarampaka yagombaga gukorwa ku italiki ya 01 Ukwakira.”

Nyuma y’aho Leta ya Espagne ikoze ibishoboka byose kugira ngo iburizemo aya matora,abantu 92 bamaze gukomereka bikomeye,mu gihe abasaga 884 bakoneye ubuvuzi.

Mu gihe intara ya Catalunya izaba ibonye ubwigenge,ikipe ya FC Barcelona izahita yirukanwa muri shampiyona ya Espagne La Liga aho biri kuvugwa ko 90 ku ijana by’abashoboye gutora batoye ko Catalunya yakwigenga.