Kigali

FERWAFA yatangaje ibihano yafatiye Caleb wakubitiye umufana I Nyagatare

Imikino   Yanditswe na: Dusingizimana Remy 3 December 2018 Yasuwe: 1850

Rutahizamu wa Rayon Sports,Bimenyimana Bonfils Caleb wakubitiye umufana I nyagatare ku mukino wahuje ikipe ye na Sunrise,yamaze gufatirwa ibihano na FERWAFA birimo gusiba imikino ine n’amande y’amafaranga 30,000 Frw.

Mu mukino wahuje Rayon Sports na Sunrise wabaye ku wa 1 Ugushyingo 2018 i Nyagatare,Bimenyimana Bonfils Caleb yakubise umufana imigeri winjiye mu kibuga amusanga bimuviramo guhabwa ikarita y’umutuku.

FERWAFA yamaze gutangaza ko rutahizamu Bimenyimana Caleb wa Rayon Sports FC yahanishijwe gusiba imikino ine n’amande y’amafaranga 30,000 Frw mu gihe Dushimimana Claude ushinzwe ibikoresho muri Rayon Sports FC we yahagaritswe umwaka wose mu bikorwa bya siporo n’ihazabu ya 50,000 Frw kubera kwinjira mu kibuga agafasha Caleb gukubita uyu mufana.

Ikipe ya Sunrise FC yo yahanishijwe kwakira umukino utaha wa shampiyona izakina na APR FC nta mufana wayo n’umwe uri ku kibuga,izira uyu mufana winjiye mu kibuga agasagararira Caleb.

Caleb yakubise uyu mufana ubwo yinjiraga mu kibuga amusatira ku munota wa 87 nyuma y’aho Sunrise FC yari itsinze igitego ariko kikagwa n’abasifuzi.

Bimenyima wari uyoboye abamaze gutsinda ibitego byinshi muri shampiyona y’U Rwanda azasiba imikino 4 irimo uwa AS Kigali,APR FC,as Muhanga na Espoir FC.

Ibi bihano Caleb yahawe, bigomba kwiyongeraho iby’ikarita itukura yahawe ku munsi w’ejo nyuma y’umukino wabahuje Kiyovu Sports.

Caleb yakubise imigeri n’amakofe umufana winjiye mu kibuga amusanga

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble kufour nando

    Ferwafa reka kubogama rwose ubwo uhengereye imikino na APR yegereje urti reka ntange ibihano. Ariko se ubundi kuki hatahanwe Sunrise ireka abafana bakinjira mu kibuga cyangwa bikabazwa polisi yari ihari. Umufana uza arwana murabona uwo ari we wese atakwihagararaho. Iyo wenda aba yaramusanzehanze byari kugira impamvu isobanutse. Turasaba ababikurikiranira hafi rwose kureba ikibazo Rayon sport ihorana na Federation niba ari ishyari simbizi Ababishoboye bose bazi iby’amategeko bzatubwire niba Ferwafa itaregwa mu nkiko kubera icyemezo kidafite ingingo zerekana ziti dushingiye kuri iyi ngingo ivuga ngo... hafashwe umwanzuro runaka. Nibagaragaze ingingo ku yindi. Gusa uko byagenda kose bizagera aho abtari ferwafa bamenye akarengane kahaba sinzi niba n’Umuvunyi atajya akurikirana ibibera muri iriya nzu. Harya byose bitegereza ko RUDASUMBWA abyimenyera yabibabaza bakaboba kubicyemura? ntimugire ngo ntabyo abona arabanza akabareka mukajya mu marangamutima hanyuma akaba arababonye. Icyo mukundira iyo abonye mutisubiraho ararama akaruca mugatangira mukabura iyo mukwirwa. Twe turatanga ikirego mu nkiko d NTABWO TWAKWIHANGANIRA AGATOGO KO MURI FERWAFA.

    4 months ago
  • chat_bubble mamzi

    umenya ikikigabo mo caleb arikimyamafuti mbese

    4 months ago

Inzindi nkuru

Juventus yakubiswe n’igihombo gikomeye nyuma yo gusezererwa na Ajax muri...

Ikipe ya Juventus yahuye n’igihombo gikomeye nyuma yo gusezererwa na Ajax mu...
18 April 2019 Yasuwe: 2592 0

Migi yatangaje ko abashyize hanze Kimenyi yambaye ubusa ari abafana ba...

Kapiteni wa APR FC,Mugiraneza Jean Baptiste yatangaje ko abashyize hanze...
18 April 2019 Yasuwe: 5034 7

Tottenham Hotspur yasezereye Manchester City mu mukino warumbutsemo ibitego...

Ikipe ya Tottenham isezereye Manchester City mu mukino wo kwishyura wa ¼ cya...
17 April 2019 Yasuwe: 2357 0

Muhire Kevin nawe yashyizwe ku karubanda yambaye ubusa buri...

Nyuma y’umunyezamu Kimenyi Yves wa APR FC, Muhire Kevin wahoze akinira Rayon...
17 April 2019 Yasuwe: 10824 1

Umwana wa Cristiano Ronaldo yaciye ibintu kubera ibyo yakoreye mu mujyi se...

Umuhungu wa Cristiano Ronaldo witwa Cristiano Jr w’imyaka 8,yakoze agashya...
17 April 2019 Yasuwe: 5238 0

Messi yatangaje uko yakiriye gusezererwa kwa Juventus ya Cristiano...

Rutahizamu wa FC Barcelona,Lionel Messi yatangaje ko we na bagenzi be...
17 April 2019 Yasuwe: 4731 2