Kigali

Gakwaya yatangiye guteza akavuyo muri Komite nshya ya Rayon Sports atarimo

Imikino   Yanditswe na: Dusingizimana Remmy 9 November 2017 Yasuwe: 5914

• Gakwaya yatangiye guteza umwuka mubi mu banyamuryango ba Rayon Sports
• Gakwaya yasohoye Organigramme ya Rayon Sports yitekerereje ubwe
• Gakwaya ntabwo yatowe muri komite nshya ya Rayon Sports

Uwahoze ari umunyamabanga mukuru w’ikipe ya Rayon Sports Gakwaya Olivier yateje akavuyo muri komite nshyashya ubwo yasohoraga itangazo ryerekana uburyo inzego z’ubuyobozi bwa Rayon Sports zimeze(Organigramme),ibintu byamaganiwe kure n’umunyamabanga mushya w’iyi kipe.

Nkuko umunyamabanga mukuru wa Rayon Sports uherutse gutorwa Kingi Bernard yabitangarije Radio Authentic yahakanye itangazo ryasohowe n’uyu mugabo ndetse yemeza ko inteko rusange ariyo ishyiraho komite na organigramme ko ibyakozwe na Gakwaya ari amarangamutima ye.

Yagize ati “ Habayeho inama y’inteko rusange yagombaga kwemeza inzego za Rayon Sports ndetse ikanemeza n’abagize komite ndetse n’imiterere yayo aho muri iyo hafashwe umwanzuro w’uko hariho inzego 2 nkuru aho iya mbere ari inteko rusange igakurikirwa n’inama y’ubuyobozi igizwe na Perezida Muvunyi na visi perezida Gacinya hakaza na Jean Paul ariwe tresorier.Ibi byashyizweho mu rwego rwo gushyira ibintu mu muco kuko kera hari inzego nyinshi zitakoraga neza.Nanjye byarantangaje kumva ngo hari ubundi buryo bw’imiyoborere bwashyizweho kandi tuzi ibyo inteko rusange yemeje gusa ibyakozwe na Gakwaya ni ibyifuzo gusa.”

Uyu Kingi Bernard yavuze ko ibyo Gakwaya yakoze ari ibyifuzo kuko hari ibyemejwe n’inama y’inteko rusange kandi bitazahinduka ndetse yemeza ko abakunzi ba rayon Sports badakwiye gukurikirana ibintu bidafite agaciro byakozwe n’umuntu runaka kuko ibyagakwiye guhabwa agaciro ari ibyemejwe n’inteko rusange.

Gakwaya ntiyishimiye kutagaragara muri komite nshya ya Rayon Sports aho atangiye guteza umwuka mubi mu buyobozi ndetse n’abanyamuryango ba Rayon Sports

Gakwaya yakoze Organigramme yitekerereje ku giti cye

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports izakina na Police FC idafite abakinnyi ngenderwaho...

Ikipe ya Rayon Sports izakina na Police FC ku munsi w’ejo idafite abakinnyi...
13 December 2017 Yasuwe: 19 0

Karekezi yavuze igihe azatangariza umutoza uzasimbura Katauti

Umutoza mukuru w’ikipe ya Rayon Sports Karekezi Olivier yatangaje ko...
12 December 2017 Yasuwe: 114 0

Rayon Sports igiye gukina imikino 3 mu minsi 10 gusa

Amakuru agera ku Umuryango n’uko Ishyirahamwe ry’umupira w’amaguru mu Rwanda...
12 December 2017 Yasuwe: 356 0

Guardiola yatangaje impamvu ishobora gutuma ahita asezera ku gutoza umupira...

Umutoza w’ikipe ya Manchester City Pep Guardiola yatangarije abanyamakuru ko...
12 December 2017 Yasuwe: 202 0

Mohamed Salah yegukanye igihembo cy’umunyafurika witwaye neza gitangwa na...

Umunya Misiri ukinira ikipe ya Liverpool FC Mohamed Salah niwe waraye utowe...
12 December 2017 Yasuwe: 64 0

Van Gaal wahoze atoza Manchester United yibasiriye bikomeye Jose...

Uwahoze atoza ikipe ya Manchester United Louis Van Gaal yibasiriye umutoza...
12 December 2017 Yasuwe: 384 0