Akarere ka Gisagara karahiriye guteza imbere imikino y’intoki nyuma y’aho kegukanye igikombe cya shampiyona muri Volleyball karifuza guteza imbere umukino wa Basketball ndetse no kurushaho kuzamura abakinnyi bakiri bato muri iyi mikino yombi. Umuyobozi w’akarere ka Gisagara Rutaburingoga Jérôme
Mu kiganiro umuyobozi w’akarere ka Gisagara Rutaburingoga Jérôme yagiranye n’Umuryango yadutangarije ko bafite icyifuzo cyo guteza imbere umukino wa Basketball ndetse bakaba bayishyira ku rwego Volleyball (...)

Sponsored Ad

Akarere ka Gisagara karahiriye guteza imbere imikino y’intoki nyuma y’aho kegukanye igikombe cya shampiyona muri Volleyball karifuza guteza imbere umukino wa Basketball ndetse no kurushaho kuzamura abakinnyi bakiri bato muri iyi mikino yombi.

Umuyobozi w’akarere ka Gisagara Rutaburingoga Jérôme

Mu kiganiro umuyobozi w’akarere ka Gisagara Rutaburingoga Jérôme yagiranye n’Umuryango yadutangarije ko bafite icyifuzo cyo guteza imbere umukino wa Basketball ndetse bakaba bayishyira ku rwego Volleyball nubwo bataratangira kubishyira mu bikorwa.

Yagize ati “Biracyari mu mishanga gusa tuzabibabwira twamaze kubishyira mu bikorwa,ni nkuko twifuza kuzamura Beach Volley gusa tuzabibabwira twamaze kubyemeranyaho neza .N’ibyifuzo byacu gushyira Basketball ku rwego Volleyball iriho gusa biradusaba kubyemeza no kubivuganaho n’ababishinzwe bose.Turifuza gushyiraho komite izadufasha gushaka abakinnyi bakiri bato gusa ntabwo turayishyiraho.”

Uyu muyobozi yavuze ko impamvu bahisemo kuzamura imikino y’intoki ari uko ariyo iboroheye ndetse bitewe n’ubushobozi bw’akarere ka Gisagara,biraborohera guteza imbere iyi mikino.

Yagize ati “Twahereye ku mikino dushoboye gusa uko ubushobozi buzagenda buboneka n’indi mikino tuzayiteza imbere gusa ni amahitamo twagize yo kuzamura imikino ijyanye n’ubushobozi bwacu.

Mu gusoza ikiganiro umuyobozi w’akarere ka Gisagara yatubwiye ko intego bari bihaye mu mukino wa Volleyball bazigezeho cyane ko berekanye ko bataje gutembera muri Volleyball cyane ko batwaye igikombe cya shampiyona mu mwaka umwe bari bamaze muri iyi shampiyona.

Gymnase y’akarere ka Gisagara

Uyu muyobozi yemeje ko umukino wa Volleyball wafashije byinshi aka karere harimo gukurura ishoramali rishingiye ku bukerarugendo aho benshi mu basigaye basura aka karere bazanwa n’uyu mukino ndetse n’abatuye aka karere basigaye bacuruza cyane aho yavuze ko mbere y’uko bazamura Volleyball hari ubwo abaturage batacuruzaga uko bikwiye none ubu hari igihe ibyo umuntu yagacuruze ukwezi abicuruza umunsi umwe.

Yakomeje avuga ko abantu benshi bamaze kumenya aka karere cyane ko mbere y’uko haza Gymnase ya Volleyball benshi batari bazi aho gisagara iherereye none ubu imaze kumenyekana cyane.

Rutaburingoga yemeje ko umwaka w’imikino utaha bagiye kwibanda ku kuzamura abakiri bato mu mukino wa Volleyball aho bagiye kwisunga ibigo by’amashuli bitandukanye ndetse avuga ko akarere gafite intego yo gukomeza kubaka ibibuga by’imikino itandukanye mu rwego rwo gufasha abaturage kwitabira imikino.