Kigali

Gorden State Warriors yatsinze Cleveland Cavaliers imikino 4 idakoramo iyitwara igikombe cya NBA

Imikino   Yanditswe na: Dusingizimana Remy 9 June 2018 Yasuwe: 753

Ubumwe bwa Stephen Curry,Kevin Durant na Klay Thompson bwongeye gufasha ikipe ya Gorden states Warriors kwihaniza Cleveland Cavaliers igendera ku mukinnyi umwe Lebron James ,bayitwara igikombe cya NBA bayitsinze imikino 4 yose idakozemo.

Mu mukino wa kane umaze kurangira muri uru rukerera,Gorden State Warriors yorohewe n’akazi kuko yatsinze Cleveland Cavaliers amanota 108 kuri 85 byayifashije gutsinda umukino wa kane itwara igikombe.

Agace ka mbere ikipe ya GSW yakarangije neza itsinda CAVS amanota 34 kuri 25, aho Stephen Curry yagatsinzemo amanota 13.

Agace ka 2 k’umukino,amakipe yombi yaguye miswi anganya amanota 27, bajya kuruhuka Gorden state irusha Cavaliers amanota 9.

Agace ka 3 koroheye cyane Curry na bagenzi be bagatsinda ku manota 25 kuri 13 ya CAVS, bituma Lebron James ashyuha mu mutwe yuzuza amakosa 5 vuba ,byatumye asohoka mu kibuga CAVS itsindwa umusubirizo batakaza umukino wa 4 ku buryo bugayitse cyane ku manota 108 kuri 85.

Muri iyi mikino ya nyuma amakipe ahatanira gutsinda imikino 4 muri 7 iba iteganyijwe,Gorden States yongeye kwerekana ko ari mpatse amakipe muri shampiyona ya USA, kuko itwaye ibikombe 3 mu myaka 4 iheruka.

Kabuhariwe mu gutsinda amanota 3 Stephen Curry , niwe watsinze amanota menshi muri uyu mukino wa 4 wabereye ku kibuga Quicken Loans Arena aho yatsinze amanota 37,Kevin Durant atsinda 20,Thompson atsinda 10 mu gihe Lebron James wa Cavs atahiriwe kuko yatsinze amanota 23 gusa,Kevin Love umugwa mu ntege muri iyi kipe atsinda 13.

Icyatunguye benshi ni uko iyi mikino ya nyuma ya NBA yoroheye cyane Gorden State Warriors,kandi benshi barizeraga ko Cavaliers ishobora kwihimura kuko umwaka ushize nabwo bayitwaye igikombe cya NBA.

Icyo benshi bemeje cyoroshye ni uko Gorden State Warriors ari ikipe nziza,Lebron James akaba umukinnyi mwiza w’ikipe ya Cavaliers nubwo byamunaniye kuyiheka wenyine.

Kevin Durant wa Golden State ni we wongeye gutorwa nk’umukinnyi wahize abandi mu mikino ya nyuma ya NBA muri uyu mwaka w’imikino wa 2018.










Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sugira Ernest na Muhadjiri bafashije APR FC guha isomo rya ruhago Police...

Ikipe ya APR FC ikomeje gutera intambwe ikomeye iyifasha kwanikira amakipe...
20 January 2019 Yasuwe: 909 0

Kylian Mbappe yatangaje ikipe yiteguye kwerekezamo

Rutahizamu Kylian Mbappe ukinira ikipe ya PSG, uri mu bahagaze neza kurusha...
20 January 2019 Yasuwe: 2695 0

Maurizio Sarri yanenze bikomeye abakinnyi be nyuma yo gutsindwa na...

Umutoza wa Chelsea yavuze ko abakinnyi be bigoye kubaremamo icyizere nyuma...
20 January 2019 Yasuwe: 1784 0

Mukura VS yasezerewe mu mikino ya CAF Confederations Cup

Ikipe ya Mukura VS ntiyabashije kugera mu mikino y’amatsinda ya CAF...
19 January 2019 Yasuwe: 1357 0

Niyonzima Seif yafashije Rayon Sports gutsindira Marines FC i...

Umukinnyi Niyonzima Olivier Seif uri mu bihe byiza cyane,yafashije Rayon...
19 January 2019 Yasuwe: 3393 0

Hakizimana Muhadjiri yateye utwatsi umukobwa wamushinje kumwiba telefoni...

Rutahizamu wa APR FC,Hakizimana Muhadjiri yatangaje ko atigeze yiba...
19 January 2019 Yasuwe: 2426 0