Umutoza wa Manchester City Pep Guardiola yategetse abatoza bamwungirije muri Manchester City ko bagomba kwiga kugurutsa utudege tutagira abaderevu tuzwi nka drone kugira ngo bazabashe kudukoresha mu kuzamura urwego rw’abakinnyi.

Sponsored Ad

Uyu mutoza uzwiho kugira udushya,arifuza ko imikinire y’abakinnyi ba Manchester City yahinduka by’umwihariko umuvuduko ariyo mpamvu ashaka ko we n’abatoza bamwungirije bajya bifashisha utudege twa drone kugira ngo babatoze.

Uwatanze aya makuru yagize ati “Pep arifuza kugira byinshi ahindura mu ikipe.We n’abamwungirije bananiwe kubona amakuru ahagije ku bakinnyi ariyo mpamvu hari umuntu wabagiriye inama yo gukoresha drone.Umusore umwe yari afite imwe yarayibahaye barayikoresha babona ko aribwo buryo bwiza bwabafasha gufata amashusho bajya bereka abakinnyi.Ibi bizabafasha gutoza abakinnyi uburyo bw’imikinire ndetse noo kwirinda ibyuho bya hato na hato.”

Manchester City irasabwa kwishyurira abatoza bungirije bayo kubishyurira akayabo k’igihumbi cy’amapawundi buri umwe kugira ngo bamenye gukoresha utu tudege.

Guardiola yasabye abatoza bamwungirije kwiga gutwara drone