Kigali

Gushyingura Papy Faty uherutse gupfira mu kibuga byateje umwuka mubi mu Barundi batandukanye

Imikino   Yanditswe na: Dusingizimana Remy 29 April 2019 Yasuwe: 6018

Havutse umwuka mubi mu Bayisilamu n’Abakirisito mu Burundi, ku byerekeye gushyingura umurambo wa Papy Faty uherutse gupfira mu kibuga mu minsi ishize ubwo yakiniraga ikipe ye yo mui Swaziland, Malanti Chiefs FC,kuko buri wese yifuza ko yashyingurwa mu buryo bw’idini rye.

Papy Faty wapfuye kuwa 25 Mata 2019,yatumye Abarundi benshi bahangana,aho bamwe bifuza ko yashyingurwa nk’umuyisilamu ndetse agakorerwaho imihango ya kisilamu mu gihe abandi bavug ko akwiriye gushyingurwa nk’uko intwari z’igihugu zishyingurwa ndetse agashyirwa mu marimba y’intwari kuko yatabarutse amaze guhesha ikipe y’igihugu itike yo kwerekeza bwa mbere mu mikino ya CAN izabera mu Misiri mu mpeshyi.

Abakinnyi b’Uburundi ndetse n’inshuti za Papy Faty barifuza ko yashyingurwa nk’umuyisilamu ndetse agakorerwa imihango ya kisilamu mu gihe Ishyirahamwe ry’umupira w’amaguru mu Burundi ndetse n’umuryango we harimo na nyina Zuwena Ngurakagayo bifuza ko ashyingurwa nk’intwari y’igihugu agaherekezwa n’igihugu.

Uwitwa Abdul usanzwe ari Cheikh I Buyenzi ndetse wakinannye na Faty yagize ati “Ntabwo byumvikana kuba umurambo wa Papy Fty ukiri muri morgue kuko binyuranyije n’amahame y’idini ya Isilamu yari abereye umuyoboke.Yagombaga kuba yarahise ashyingurwa muri Eswatini cyangwa muri Afurika y’Epfo.Ibyo Uburundi bwakoze ni ukwangiza roho ye yera.”

Uwahoze ari kapiteni w’Uburundi,Saido Ntibazonkiza n’abandi Barundi b’Abasilamu banze kuza guhumuriza umubyeyi wa Papy Faty kubera kwanga kuhahurira n’Abakirisito bari babukereye buzuye kwa nyina w’uyu mukinnyi.

Zuena umubyeyi wa Faty yagize ati “Ntabwo Papy Faty agomba gushyingurwa nk’umuyisilamu.Yahindutse umukiristo.Yagiye muri Nigeria kwiyegurira umwami Yesu,kandi yatubwiye ko yamwakiriye.Ntabwo bagomba kudutegeka uko dushyingura umuhungu wacu.”

Minisiteri ya Siporo n’umuco mu Burundi yavuze ko imihango yo gushyingura mu Cyubahiro Papy Faty irimbanyije ndetse ko bamaze guhamagara Ambasade y’uburundi muri Afrika Y’epfo kugira ngo ibafashe gukura umurambo we muri Eswatini.

Umwe mu bayobozi bo muri iyi Minisiteri,utashatse ko amazina ye ajya hanze yatangarije SOS Medias Burundi dukesha iyi nkuru ati “Umusaza Papy Faty yapfuye nk’umusirikare uri ku rugamba.Agomba gushyingurwa nk’intwari y’igihugu.Yatabarutse amaze gufasha Uburundi kwerekeza muri CAN bwa mbere.Abayisilamu bagomba kumenya ko Uburundi budafite idini bubogamiyeho.”

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 2427 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 3213 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 2925 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 2152 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 1170 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 2168 0