Kigali

Haruna Niyonzima yahaye ubutumwa bukomeye abafana bakomeje kumusaba gusezera

Imikino   Yanditswe na: Dusingizimana Remy 16 October 2018 Yasuwe: 1011

Kapiteni w’ikipe y’igihugu Amavubi, Niyonzima Haruna yabwiye abantu bakomeje kumwotsa igitutu bamusaba ko asezera ko aribwo agejeje igihe cyo gukina umupira w’amaguru ndetse agifite byinshi byo guha igihugu.

Haruna yabwiye abanyamakuru ku munsi w’ejo Taliki ya 15 Ukwakira 2018 ko abamusaba ko asezera mu Mavubi basubiza amerwe mu isaho kuko adafite gahunda yo gusezera mu ikipe y’Igihugu kuko aribwo ageze mu gihe cyiza cyo gukina umupira.

Yagize ati “Maze igihe numva abantu bansaba gusezera mu Mavubi kandi ubu nibwo ngeze mu gihe cyiza cyo gukina.Twebwe twagize amahirwe yo kuzamuka mu ikipe y’igihugu byihuse ariko ntibivuze ko imyaka badutekerezaho ariyo dufite.Ejo muzareba abakinnyi tuzakina nabo,harimo abatubyaye ariko baracyakina umupira.

Ikibazo ni uko abantu bamaze igihe batubona mu ikipe y’igihugu gusa imyaka dufite twe na ba Migi,ntingana n’iyo abantu batuvugaho.Abanyarwanda benshi bakunda kunenga ibyo twakoze ntibashima ibyiza dukora.Sintekereza ko mu myaka tumaze dukina,twakoze ibibi gusa.”

Haruna yasabye abanyarwanda gukomeza gushyigikira ikipe y’igihugu n’igihe nta musaruro ibona kuko gutsinda bisaba ibintu byinshi birimo imitegurire ndetse n’ukuntu abakinnyi bazamurwa.

Amavubi arakira Guinea Conakry uyu munsi mu mukino w’umunsi wa 4 wo mu itsinda H,mu gushaka itike yo kwerekeza muriCAN izabera muri Cameroon,umwaka utaha.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yamaze kwisubiza Micheal Sarpong wavugwaga muri Orlando...

Ikipe ya Rayon Sports yanze gukomeza gutegereza ibisubizo bya Orlando...
19 July 2019 Yasuwe: 5324 2

Mashami yishimiye itsinda u Rwanda rwatomboye mu gushaka itike ya AFCON...

Umutoza w’ikipe y’igihugu Amavubi,Mashami Vincent yavuze ko itsinda rya F u...
19 July 2019 Yasuwe: 1866 0

Perezida Sadate yasubije abibaza ku byerekeye umutoza Robertinho,Sarpong,ikibazo

Umuyobozi mushya wa Rayon Sports,Munyakazi Sadate yatangaje ko mu myaka 2...
19 July 2019 Yasuwe: 6430 2

FC Barcelona yahaye PSG urutonde rw’abakinnyi 6 na miliyoni 90 z’amayero...

Ikipe ya Barcelona yazamuye igiciro yatangaga kuri Neymar Jr igeza kuri...
19 July 2019 Yasuwe: 2927 0

Ikipe ya Bugesera FC yasezereye abakinnyi 18 barimo abo yagenderagaho

Ikipe ya Bugesera FC yateye ikirenge mu cy’amakipe ya APR FC, AS Kigali na...
19 July 2019 Yasuwe: 1013 0

Amavubi yisanze mu itsinda rimwe na Cameroon mu gushaka itike ya AFCON...

Ikipe y’igihugu Amavubi yisanze mu itsinda rya F hamwe na Cameroun, u Rwanda...
19 July 2019 Yasuwe: 643 0