Kigali

Haruna Niyonzima yavuze uburyo Mazimpaka umuzamu wa Rayon Sports akwiye gusaba imbabazi Migi kapiteni wa APR FC kubera amagambo amusebya yamuvuzeho

Imikino   Yanditswe na: Martin Munezero 3 May 2019 Yasuwe: 5466

Haruna Niyonzima ugifatwa nka Kapiteni w’ikipe y’igihugu Amavubi, asanga Mazimpaka Andre ukinira ikipe ya Rayon Sports akwiye gusaba imbabazi Mugiraneza Jean Baptiste Migi usanzwe ari Kapiteni wa APR FC, kubera amagambo amusebya yamuvuzeho.

Mazimpaka Andre wamaganwe n’abatari bake, yasebeje Migi ku munsi w’ejo nyuma y’umukino wa shampiyona Rayon Sports yari imaze gutsindamo Espoir y’i Rusizi ibitego 4-0.

Uyu muzamu w’ikipe ya Rayon Sports yatumye umunyamakuru wa Kigali Today kubwira Migi kureka kujarajara arara mu mastade ahakorera amafuti, ngo kuko ntaho byamugeza.

Ati” Twe nka Rayon Sports intego ni ugutsinda imikino yose isigaye, ikipe duhanganiye igikombe ni APR FC kandi simpamya ko imikino yose isigaye bazayitsinda, ahubwo ndagira ngo mpe ubutumwa Migy”.

“Uwo Migy areke kujarajara arara muri Stade akora amafuti, biriya bintu ntaho bizamugeza, biriya ni ukwica umupira wo mu Rwanda.”

Ku bwa Haruna Niyonzima usanzwe ari incuti ya Mazimpaka Andre, asanga n’ubwo amagambo nkariya ashobora kuryoshya shampiyona bidakwiye ko umukinnyi nka Mpazimpaka avuga ibintu nka biriya adafitiye gihamya. Yasubizaga Post umunyamakuru Imfurayacu Jean Luck wa Radio10 yashyize kuri Instagram.

Ati” bro ni byo biryosha shampiyona nkuko ubivuze, ariko buriya si byiza ko wavuga ibintu nkibyo nta kibigaragaza ufite. Ku byanjye numva Mazimpaka nk’umushuti wanjye yari akwiye gusaba Migi imbabazi kuko ntabwo mbona ko byari inzira nziza yo kuba yabivuga kuri media kandi atatwereka gihamya. Uko njye ni ko mbitekereza.”

Nyir’ugusebywa Migi we yavuze ko inkiko ari zo zigomba kumukiranura na Mazimpaka Andre, ngo kuko ibyabaye ari ukumusebya.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble athanasep

    Ese uwo mpazimaka yamubonye arihe we yavagahe yajyahahe muri ryajoro avuga ? Andereya yisubireho kbsa

    1 month ago
  • chat_bubble karenzi

    Nonese kuki wunva ntabimenyetso Mazimpaka yahereyeho kandi mubyukuri bihari?
    Nonese tuvuge ko Migi yagiye muri stade regional mu ijoro ryo kuwagatatu kubera ko ahagira akazi ahakora nijoro? Nonese niba yaragiye kuhakora ibyiza kuki atagiyeyo kumanwa, kandi akaba ahubwo yarahiyeyo kubera ko rayon iza kuhakinira unukino kuwa 04/05?
    Muri make izo mbabazi uvuga wowe Haruna nuko utazi ibyabaye, nakugira inama yo kubanza kubaza bene kubivuga. Ikindi kandi buriya muzee Migi niba ashaka kutwereka ibyo abamo byosr narege turebe.

    1 month ago
  • chat_bubble Kamayirese

    Haruna nshuti yanjye ibyo uvuze n’ukuri pe. gusa ntawabuza inyombyakuyomba reka ahitinge nawe

    1 month ago

Inzindi nkuru

Hamza Runaniza wakiniraga Marines FC yasinye imyaka 4 muri Rayon...

Myugariro ukiri muto wakiniraga ikipe ya Marines FC witwa Runanira...
19 June 2019 Yasuwe: 2459 0

Kiyovu Sports na AS Kigali zamaze gusaba umujyi wa Kigali ko wazihuza...

Abayobozi b’amakipe 2 akomeye mu mujyi wa Kigali ariyo AS Kigali na Kiyovu...
19 June 2019 Yasuwe: 1467 2

PSG yasabye Real Madrid umukinnyi wayo ukomeye kugira ngo ibahe Neymar...

Ikipe ya PSG irifuza kugurisha umukinnyi Neymar Jr mu ikipe iyo ariyo yose...
19 June 2019 Yasuwe: 4087 0

Lionel Messi yategetse ubuyobozi bwa FC Barcelona gusinyisha vuba...

Kapiteni FC Barcelona yirengagije ibyamubayeho mu minsi ishize muri Copa...
19 June 2019 Yasuwe: 3102 0

Biravugwa: Hakizimana Muhadjiri yamaze kumvikana n’ikipe ya AS VITA...

Ikipe ya AS Vita Club yo mu mujyi wa Kinshasa muri RDC, yamaze kumvikana na...
19 June 2019 Yasuwe: 2642 0

CAF yatangaje ingano y’amadolari azahembwa ikipe izegukana igikombe cya...

Impuzamashyirahamwe y’umupira w’amaguru muri Afrika CAF,yamaze gutangaza ko...
19 June 2019 Yasuwe: 2051 0