Kigali

Ibihano Ronaldo yahawe byamaze kumenyekana

Imikino   Yanditswe na: Dusingizimana Remmy 14 August 2017 Yasuwe: 2508

Umukinnyi Cristiano Ronaldo amaze guhagarikwa imikino 5 kubera gusunika umusifuzi Ricardo De Burgos Bengoetxea wayoboye umukino ikipe ya Real Madrid yaraye itsinzemo FC Barcelona ibitego 3-1 aho bari mu mukino ubanza wa super cup igikombe gihuza ikipe yatwaye La Liga n’ikipe yatwaye igikombe cy’umwami.


Uyu musore winjiye mu kibuga asimbuye Karim Benzema yagerageje gufasha Real Madrid cyane kuko mu bitego 3 byatsinzwe yatsinzemo igitego kimwe cyari icya kabiri cy’umukino gusa yaje kwitwara nabi ubwo yasunikaga uyu musifuzi nyuma yo kumuha ikarita ya kabiri y’umuhondo yaje kubyara iy’umutuku.

Ronaldo yabonye ikarita ya mbere y’umuhondo ubwo yatsindaga igitego agakuramo umupira we mu gihe iya kabiri yo itavuzweho rumwe yayihawe nyuma yo kwinjira mu rubuga rw’amahina ahanganye na myugariro Samuel Umtiti wa Barcelona hanyuma aza kugwa hasi nibwo umusifuzi yamuhaye ikarita ya 2y’umuhondo amushinja kwigusha maze uyu nawe ahita amusunika none dore aho bimugejeje.

Mu nkuru twabagejejeho mu kanya ni uko yagombaga guhanwa hagati y’imikino 3 kugeza kuri 12 none birangiye akanama gashinzwe imyitwarire gahisemo kumuhana imikino itanu izahera ku mukino wo kwishyura muri iki gikombe uzaba ku wa gatatu taliki ya 16 Kanama 2017 bazakira FC Barcelone.

Umukino ukimara kurangira umusifuzi wa kane yatanze raporo y’uko uyu musore yasunitse umusifuzi Ricardo De Burgos Bengoetxea wayoboye uyu mukino none birangiye bimukozeho.

Imikino itanu azasiba uretse uwa FC Barcelone wo kuri uyu wa Gatatu muri Super Cup, hari indi 4 yo muri La Liga uwo bazasura Deportivo La Coruna tariki ya 20 uku kwezi, uwo bazakina na Valencia tariki ya 27, uwa Levante tariki ya 9 Nzeri n’uwo bazajya kwa Real Sociedad tariki ya 17 Nzeli 2017 bivuze ko azongera gukina umukino wa shampiyona ku itariki ya 20 Nzeli Real yahuye na Real Betis.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gakwaya yahakanye ibyo kuza kwa Witakenge muri Rayon Sports

• Gakwaya yatangaje ko Witakenge atarasinyira Rayon Sports • Gakwaya yavuze...
21 November 2017 Yasuwe: 1001 0

Rayon Sports ishobora kutazongera gukina shampiyona muri uyu mwaka wa...

• FERWAFA yemeye ubusabe bwa Rayon Sports bwo gusubika imwe mu mikino ya...
21 November 2017 Yasuwe: 1662 0

Abafana ba Westham bihanangirijwe na polisi yo mu Bwongereza

• Abafana ba Westham bari guteshwa umutwe polisi ya Essex kugira ngo yinire...
20 November 2017 Yasuwe: 294 0

Polisi yafunguye Yannick na Rutanga ba Rayon Sports

Polisi y’u Rwanda yamaze kurekura abakinnyi babiri ba Rayon Sports, Mukunzi...
20 November 2017 Yasuwe: 554 0

Abakinnyi 10 bamaze kwitwara neza muri shampiyona y’u Rwanda...

• Abakinnyi 10 bamaze kwitwara neza muri shampiyona y’u Rwanda • Nyuma...
20 November 2017 Yasuwe: 1752 0

Lomami Marcel yatangaje byinshi kuri Caleb na Kone bamutengushye

• Lomami Marcel yatangaje ko Caleb na Kone bari kugenda bisubiraho • Lomami...
20 November 2017 Yasuwe: 1070 0