Kigali

Ibyo Mourinho yakoze nyuma yo gutsindwa na Westham byatangaje benshi mu bakunzi ba ruhago

Imikino   Yanditswe na: Dusingizimana Remy 30 September 2018 Yasuwe: 3323

Umutoza wa Manchester United Jose Mourinho yatunguye benshi ubwo nyuma yo gutsindwa na Westham yanze kujyana n’abakinnyi mu modoka imwe akigira kureba umugore we n’abana be baba mu mujyi wa London.

Uyu munya Portugal uri mu bihe bibi cyane mu ikipe ya Manchester United, akomeje kugarukwaho kenshi mu binyamakuru kubera umusaruro mubi cyane afite muri Manchester United ndetse no gushwana bya hato na hato n’abakinnyi barimo Paul Pogba.

Abakinnyi ba Manchester United bifuje ko Mourinho yirukanwa

Ku munsi w’ejo Mancheester United yatsindiwe ku kibuga cya Westham ibitego 3-1 bituma umutoza Jose Mourinho yanga kujyana n’abakinnyi muri bisi imwe yagombaga kubageza aho bagombaga gutegera gari ya moshi ibasubiza mu mujyi wa Manchester.

Nkuko ikinyamakuru Dailymail cyabitangaje, abakinnyi ba Manchester United bari muri gari ya moshi basubira mu mujyi wa Manchester basabye ku mugaragaro ubuyobozi bwabo ko bwakwirukana umutoza Jose Mourinho kugira ngo umwuka mwiza ugaruke mu ikipe yongere guhatana.

Amakuru aravuga ko Jose Mourinho ashobora kwirukanwa mu cyumweru gitaha cyane ko yatezwe umukino agomba guhura na Valencia muri UEFA Champions League ku wa Gatatu ndetse n’umukino wa shampiyona ukurikira azakina na Newcastle ku wa Gatandatu w’icyumweru gitaha.

Biravugwa ko uwahoze atoza ikipe ya Real Madrid,Zinedine Zidane ariwe uzahita asimbura Jose Mourinho niyirukanwa,ndetse uyu Mufaransa w’igihangange yatangiye kwiga icyongereza kugira ngo azabone uko avugana n’abakinnyi.


Westham yatsinze Manchester United ibitego 3-1 ku munsi w’ejo bishyira habi Mourinho

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sugira Ernest na Muhadjiri bafashije APR FC guha isomo rya ruhago Police...

Ikipe ya APR FC ikomeje gutera intambwe ikomeye iyifasha kwanikira amakipe...
20 January 2019 Yasuwe: 764 0

Kylian Mbappe yatangaje ikipe yiteguye kwerekezamo

Rutahizamu Kylian Mbappe ukinira ikipe ya PSG, uri mu bahagaze neza kurusha...
20 January 2019 Yasuwe: 2621 0

Maurizio Sarri yanenze bikomeye abakinnyi be nyuma yo gutsindwa na...

Umutoza wa Chelsea yavuze ko abakinnyi be bigoye kubaremamo icyizere nyuma...
20 January 2019 Yasuwe: 1742 0

Mukura VS yasezerewe mu mikino ya CAF Confederations Cup

Ikipe ya Mukura VS ntiyabashije kugera mu mikino y’amatsinda ya CAF...
19 January 2019 Yasuwe: 1350 0

Niyonzima Seif yafashije Rayon Sports gutsindira Marines FC i...

Umukinnyi Niyonzima Olivier Seif uri mu bihe byiza cyane,yafashije Rayon...
19 January 2019 Yasuwe: 3381 0

Hakizimana Muhadjiri yateye utwatsi umukobwa wamushinje kumwiba telefoni...

Rutahizamu wa APR FC,Hakizimana Muhadjiri yatangaje ko atigeze yiba...
19 January 2019 Yasuwe: 2418 0