Kigali

Icyizere kiraganje kuri Rwemarika uhataniye kuyobora FERWAFA

Imikino   Yanditswe na: 23 December 2017 Yasuwe: 674

Rwemarika Felicite uhanganye na Nzamwita Vincent de Gaulle mu kwiyamamariza kuyobora FERWAFA yatangaje ko afite icyizere cyo gutsinda amatora agahindura byinshi byananiranye muri iyi nzu yatakarijwe icyizere n’abakunzi ba ruhago mu Rwanda.

Mu kiganiro yagiranye n’abanyamakuru ku munsi w’ejo cyabereye muri Kigali Convention Center, Rwemarika yavuze ko ubunararibonye afite mu mupira w’amaguru mu Rwanda bumuha icyizere cyo kuzanzamura umupira w’amaguru mu Rwanda ucumbagira.

Yagize ati “Umuyobozi mwiza ni uha agaciro abo ayoboye,utuma abantu bavuga bati ku buyobozi bwe ntabwo nahejwe ,nagize amahirwe yo gukina nkiri umwana ndazamuka ngera mu ikipe y’igihugu.kuba umuyobozi si ukugura Jeep nziza,ahubwo ni ugushimisha abo uyobora kandi ibyo nibyo nzarwana nabyo nintsindira kuyobora FERWAFA.Nkuko nabikoze mu bakobwa,Abanyarwanda nibibaze, mu busa nabashije kuzamura umupira w’amaguru mu bakobwa,none ngiye ku mutwe ese murabona ibintu bitazikuba inshuro nyinshi mvugira umupira muri rusange?.”

Rwemarika yavuze ko mu batora bagera kuri 51 afite amajwi arenga 30 kandi yizeye neza ko abayobozi b’amakipe bazamugirira icyizere.

Rwemarika yavuze ko natorwa azaharanira kuzamura umupira w’amaguru mu bakiri bato aho yifuza ko abana bajya batangira gukina mu marushanwa yo mu murenge y’iwabo bagahabwa imyenda n’ibikoresho bihagije n’abatoza bashoboye,maze abitwaye neza bagaserukira igihugu bagiye guhiganwa.

Rwemerika uri hagati, avuga ko yiteguye gutsinda amatora

Yavuze ko yifuza ubufatanye n’ayandi mashyirahamwe y’umupira w’amaguru yo hirya no hino ndetse ashimangira ko kuba u Rwanda rwohereza abakinnyi kwivuriza muri Maroc ari byiza gusa hakabaye ubufatanye mu Rwanda hakubakwa ivuriro rimeze kimwe naryo.

Rwemarika yabwiye abanyamakuru ko bazafungurira imiryango abahoze bakina umupira w’amaguru kugira ngo bafashe abari kuzamuka kwitwara neza, ndetse no muri gahunda yo gushakisha impano z’abakiri bato.

Ibigwi by’umukandida Rwemarika Félicité:

Yabaye umunyamuryango w’inama y’Ubuyobozi bwa Ferwafa kuva 2007 kugeza ubu
Ni Vice perezida wa Komite Olimpike mu Rwanda.

Afite impamyabumenyi z’ubuyobozi mu mikino zitangwa na FIFA
N’umwe mu bari bagize komite yateguye igakurikirana CAN U17 yabareye mu Rwanda muri 2011.

N’Umwe mu bari bagize Komite ikurikirana igikombe cy’isi cya U17 cyabereye muri Mexique 2011.

N’Umwe mu bagize Komisiyo y’abagore muri CECAFA kuva 2011.

N’umwe mu bagize Komisiyo ya Komite mpuzamahanga y’imikino Olimpike.

Mu mwaka wa 2016 yahawe igihembo na Komite Mpuzamahanga y’imikino Olimpike gihabwa abagore bitabira siporo.

Muri 2015 yaherewe mu Bwongereza igihembo cya Stars Foundation Kingdom Award
Ni umuyobozi w’umuryango wa Act for Hope.

Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Felix Lumumba

    Bavandimwe mufite ubushobozi bwo gutora président wa FERWAFA,ni mutore Rwemarika maze ducike kuri dictature ya Vincent, wenda amavubi ntiyakogera kwitwa amasazi.vive la démocratie, vive la rupture footballistique.

    December 2017
  • chat_bubble papa paul

    Uyu mudamme bamuhe amahirwe turebe ko hari icyo azakiza muri iriya nzu ihoramo akavuyo katajya karangira.Degaulle nawe narekere n’abandi bagerageze ibyo atakijije mu myaka ine amaze ku ntebe ntateze kuzabikiza ubu.

    December 2017

Inzindi nkuru

Gor Mahia yambuye abakinnyi bayo bituma bamwe bivumbura banga...

Nubwo ifatwa nk’imwe mu makipe y’icyitegererezo muri Afurika y’Iburasirazuba,Gor
19 September 2018 Yasuwe: 591 0

Rayon Sports yongeye gucibwa akayabo k’amafaranga na CAF kubera imyitwarire...

Rayon Sports na Gor Mahia zaciwe akayabo k’ibihumbi 5 by’idolari kubera...
19 September 2018 Yasuwe: 2521 0

APR FC yasinyishije Ntwari Evode inongerera amasezerano abakinnyi...

Ikipe ya APR FC ikomeje kwiyubaka kuko yamaze gusinyisha umwe mu bakinnyi...
19 September 2018 Yasuwe: 1099 0

David de Gea yahaye igisubizo abanenze uko yitwaye mu gikombe...

Umunya Espagne ukinira ikipe ya Manchester United yatangaje ko nta mwanya...
19 September 2018 Yasuwe: 742 0

Liverpool itsinze PSG ku munota wa nyuma,Messi atangirana imbaraga...

Igitego cya Firmino ku munota wa nyuma w’umukino gifashije Liverpool...
18 September 2018 Yasuwe: 1532 0

Rwatubyaye yatangaje ikizafasha Rayon Sports gutsindira Enyimba ku kibuga...

Myugariro Rwatubyaye Abdul uri mu bihe byiza muri iyi minsi ,yatangaje ko...
18 September 2018 Yasuwe: 2730 0