Kigali

Ikarita y’itora ntabwo izongera gukenerwa mu matora ari imbere mu Rwanda

Imikino   Yanditswe na: Dusingizimana Remy 23 July 2019 Yasuwe: 968

Abadepite baraye batoye itegeko ngenga rigenga amatora,ryavanyeho ikarita y’itora izasimburwa n’Indangamuntu ikoze mu ikoranabuhanga izafasha buri wese kumenya ko utora cyangwa utorwa ari kuri lisiti y’itora.

Kuri uyu wa Mbere tariki 22 Nyakanga 2019,nibwo abadepite bemeje ko ikarita y’itora itagikenewe kubera ko igomba gusimbuzwa indangamuntu y’ikoranabuhanga.

Mu zindi ngingo zavuguruwe mu itegeko ngenga rigenga amatora mu Rwanda harimo izijyanye n’imigendekere y’amatora ku bijyanye n’itora ry’Abajyanama b’Umujyi wa Kigali hakurikijwe amavugururwa ateganijwe.

Izindi ngingo abadepite bifuje ko zavugururwa ariko ntibikunde, harimo ijyanye n’abantu basabwa ku mukandida ushaka kwiyamamariza kuba Perezida wa Repubulika cyangwa umudepite, aho umukandida wigenga asabwa abantu 600 mu gihugu bamusinyiye, naho umutwe wa politike wo ugasabwa abantu 200 gusa.

Depite Frank Habineza yagize ati “Abakandida bigenga basabwa abantu 12 muri buri karere, naho umutwe wa Politike wo ugasabwa abantu 200 mu gihugu cyose, ko umutwe wa politike ariwo ukomeye kurusha umukandida wigenga kubera iki umukandida wigenga udafite ubushobozi nk’umutwe wa Politike bamusaba abantu 600 mu gihugu?, twumva hari ikintu cyakagombye guhinduka kugira ngo abo bantu nabo bagire amahirwe yo kwiyamamaza”.

Minisitiri w’ubutegetsi bw’igihugu Prof Shyaka Anastase wari witabiriye inteko rusange, yavuze ko bitakumvikana uburyo umuntu ushaka guhagararira abantu miliyoni 12 mu gihugu, yabura abantu 600.

Yavuze ko uramutse wabuze abantu 12 kandi ushaka guhagararira miliyoni 12, cyaba ari ikibazo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sugira Ernest ahesheje Amavubi itike yo kwerekeza muri CHAN...

Amavubi yamaze gukatisha itike yo kwerekeza muri CHAN 2020 izabera mu...
19 October 2019 Yasuwe: 2789 0

Mashami Vincent yakoze impinduka 3 mu bakinnyi 11 Amavubi arakoresha...

Umutoza w’ikipe y’igihugu yamaze gushyira hanze abakinnyi 11 bagomba...
19 October 2019 Yasuwe: 2026 0

Lionel Messi yibasiye Cristiano Ronaldo na Zlatan Ibrahimovic kubera ingeso...

Rutahizamu wa FC Barcelona akaba na kapiteni wayo,Lionel Messi,yavuze ko...
19 October 2019 Yasuwe: 2738 0

Mukura VS yirukanye burundu umutoza wayo Olivier Ovambe

Ubuyobozi bw’ikipe ya Mukura VS bwamaze kwirukana burundu Umunya Cameroon...
18 October 2019 Yasuwe: 2073 0

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 3136 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 3867 0