skol
fortebet

Ikipe ya Benediction Excel Energy yamaze gutangaza abakinnyi izakoresha mui Tour du Rwanda 2019

Yanditswe: Sunday 17, Feb 2019

Sponsored Ad

Mu gihe habura icyumweru kimwe ngo Tour du Rwanda yo kuri 2.1 itangire,ikipe ya Benediction Excel Energy yatangaje abakinnyi 5 bazayihagararira muri iri rushanwa rizitabirwa n’amakipe yo ku rwego rwo hejuru,azamanukana abakinnyi b’ibyamamare ku isi.

Sponsored Ad

Benediction Excel Energy yamuritse abakinnyi izakoresha mu irushanwa rya Tour du Rwanda 2019, Ku mugoroba w’uyu wa Gatandatu tariki 16 Gashyantare 2019,biganjemo amazina akomeye.

Mu bakinnyi 5 Benediction Excel Energy izamanukana muri Tour du Rwanda 2019,harimo Nsengimana Jean Bosco wayitwaye 2015 ndetse yegukana uduce tune muzo yakinnye zose ahoy amaze iminsi 8 yambaye umwenda w’umuhondo.

Umukinnyi wa kabiri uzakoreshwa na Benediction Excel Energy ni Byukusenge Patrick uzaba ari na kapiteni wayo wabashije kuba uwa 3 ku rutonde rusange muri 2015.

Benediction Excel Energy yemeje ko Munyaneza Didier uzwi nka Mbappe wabaye uwa 8 muri Tour du Rwanda ya 2017 na 2018 nawe ari mu bakinnyi 5 izakoresha muri Tour du Rwanda.

Kabuhariwe mu gutambika Uwizeyimana Bonaventure watwaye agace muri Tour du Rwanda 2017 nawe azakinira Benediction Excel Energy uyu mwaka.

Umusore Manizabayo Eric uzwi nka Karadiyo niwe mukinnyi wa 5 uzakinira Benection muri Tour du Rwanda uyu mwaka dore ko akizamuka.

Benediction yashyizwe ku rwego rwa Afurika (Continental team) itozwa na Sempoma Felix usanzwe ari umutoza w’ikipe y’igihugu y’umukino w’amagare

Irushanwa rya Tour du Rwanda rizatangira ku Cyumweru tariki 24 Gashyantare rigeze tariki ya 3 Werurwe 2019 aho rizitabirwa n’amakipe arimo Astana,Direct Energie,Eritrea n’izindi zitandukanye.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa