skol
fortebet

Ikipe ya Chapecoense yahawe igikombe yari gukinira na Atletico

Yanditswe: Tuesday 06, Dec 2016

Sponsored Ad

Ikipe ya Chapecoense yo muri Brezil, yahawe igikombe cya Copa sudamericana nyuma y’uko abakinnyi bayo bapfiriye mu mpanuka y’indege yabereye i Medelin mu gihugu cya Colombia.
Chapecoense yerekezaga muri Colombia ijya gukina umukino wa nyuma n’ikipe ya Atletico National.Impuzamashyirahamwe y’umupira w’amaguru ku mugabane wa Amerika y’Amajyepfo (Commebol), yavuze ko yamaze kumvikana n’ikipe ya Atletico National bagomba guhura ku mukino wa nyuma, ku mwanzuro wo guha igikombe ikipe ya Chapecoense (...)

Sponsored Ad

Ikipe ya Chapecoense yo muri Brezil, yahawe igikombe cya Copa sudamericana nyuma y’uko abakinnyi bayo bapfiriye mu mpanuka y’indege yabereye i Medelin mu gihugu cya Colombia.

Chapecoense yerekezaga muri Colombia ijya gukina umukino wa nyuma n’ikipe ya Atletico National.Impuzamashyirahamwe y’umupira w’amaguru ku mugabane wa Amerika y’Amajyepfo (Commebol), yavuze ko yamaze kumvikana n’ikipe ya Atletico National bagomba guhura ku mukino wa nyuma, ku mwanzuro wo guha igikombe ikipe ya Chapecoense yatikiriye mu mpanuka y’indege mu rwego rwo gukomeza kubafata mu mugongo.

Inshuti n’abavandimwe bari bitwaje amafoto y’ababo

Ubuyobozi bw’ikipe ya Atletico National nabwo bwavuze ko igikombe bagishyigikirije ikipe ya Chapecoense FC muri gahunda yo gukomeza kubaba hafi mu byago bagize. Imibare yatanzwe n’ingenzura ryakoze ku mpanuka y’indege, yagaragaje ko harokotse abakinnyi batatu (3) ba Chapecoense.

Alan Luciano Ruschel, Jackson Ragnar wari wagiye nk’umunyezamu w’umusimbura ndetse na Helio Hermito Zampia Neto ni bamwe mu bakinnyi barokotse iyo mpanuka y’indege.

Ikipe ya Chapecoense izahabwa miliyoni ebyiri z’amadolari ya Amerika, Atletico National izahabwa miliyoni imwe y’amadolari ya Amerika bagendeye ku gaciro igikombe bakiniraga gifite.

Ronaldinho Gaucho yamaze kwemeza ko azakinira iyi kipe ku buntu.Roman Rquelme ukomoka muri Argentine yavuze ko nawe agaruka mu kibuga mu minsi ya vuba aje gukinira iyi kipe.Eidur Gudjohnsen wakinnye muri FC Barcelona, nawe yavuze ko yiteguye gukinira ikipe ya Chapecoennse.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa