Kigali

Ikipe ya Gor Mahia ikinamo umunyarwanda Jacques Tuyisenge yaherewe isomo rya ruhago mu bwongereza na Everton[AMAFOTO]

Imikino   Yanditswe na: Martin Munezero 7 November 2018 Yasuwe: 2461

Gor Mahia yo muri Kenya ikinamo umunyarwanda Jacques Tuyisenge yaraye iherewe mu Bwongereza isomo rya ruhago itsindwa ibitego 4-0 mu mukino wabereye Goodison Park mu ijoro ryo kuri uyu wa kabiri.

Muri uyu mukino Jacques Tuyisenge wabaye umukinnyi watsinze ibitego byinshi muri Kenya atagaragayemo, Dylan Kerr utoza Gor Mahia yari yakoze ibishoboka byose ngo nibura buri mukinnyi we akine kuri uyu mukino dore ko ari bwo bwa mbere ikipe yo muri Afurika yakinira mu Bwongereza ihanganye n’ikipe yaho.

Ibitego bya Ademola Lookman ku munota wa 16, Kiern Dowell ku munota wa 23, Nathan Broadhead ku munota wa 87 n’icya Oumar Niasse ku munota wa 88, byari bihagije ngo Everton yereke Gor Mahia ko igifite byinshi byo kwiga. Raila Odinga wigeze kuba Minisitiri w’intebe muri Kenya akaba ari n’umufana ukomeye wa Gor Mahia yarebye uyu mukino.

Iyi yari inshuro ya kabiri aya makipe yombi yarahuye , ubwa mbere bahuriye mu mukino wabereye i Dar es Salaam umukino urangira Everton itsinze Gor Mahia 2-1 byatsinzwe na Wayne Rooney na Kieran Dowell mu gihe kimwe cya Gor Mahia cyatsinzwe na Jacques Tuyisenge.

Uyu mukino wahuje Gor Mahia na Everton wabaye saa yine z’ijoro, uca ku mateleviziyo atandukanye nka K24, KBC, Bamba Sport, na NTV. Uyu mukino utegurwa n’umutera nkunga w’aya makipe ‘SportPesa’. Amakipe yo muri Afurika aterwa inkunga na Sportpesa arahura akavamo imwe itsindira gukina na Everton.

Ku rutonde rw’agateganyo muri shampiyona y’Ubwongereza, Everton iri ku mwanya wa 9 n’amanota 18 mu gihe Manchester City ariyo iyoboye n’amanota 29.

Rutahizamu w’Amavubi n’ikipe ya Gor Mahia , Jacques Tuyisenge, ntabwo yajyanye n’ikipe ye mu Bwongereza gukina uyu mukino kubera kubura ibyangombwa (Visa).

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikipe ya Rayon Sports yasinyishije umukinnyi ukomeye w’umunyarwanda...

Ikipe ya Rayon Sports ikomeje urugamba rwo kwiyubaka, yamaze gusinyisha...
16 June 2019 Yasuwe: 1323 0

Faustin Usengimana yateraniye imitoma n’umukunzi we ku karubanda

Myugariro Faustin Usengimana ukinira Buildcon FC yo muri Zambia, yongeye...
16 June 2019 Yasuwe: 1424 0

Nyuma yo kudatumirwa mu bukwe bwa Ramos,Cristiano Ronaldo yigiriye mu...

Cristiano Ronaldo yigiriye mu biruhuko we n’umuryango we, nyuma yo kubura...
16 June 2019 Yasuwe: 1002 0

Ciza Hussein yatangaje imbogamizi imubuza kwerekeze mu ikipe ya Rayon...

Rutahizamu wa Mukura VS,Ciza Hussein yavuze ko yavuganye n’ubuyobozi bwa...
16 June 2019 Yasuwe: 2416 0

Sergio Ramos yanze gutumira mu bukwe bwe Cristiano Ronaldo bakinannye igihe...

Myugariro akaba na kapiteni wa Real Madrid Sergio Ramos amaze iminsi...
14 June 2019 Yasuwe: 4511 0

Ikipe ya Real Madrid yasinyishije umukinnyi wakuriye muri Fc Barcelone...

Ikipe ya Real Madrid yamaze gusinyisha Takefusa Kubo ufatwa nka Messi...
14 June 2019 Yasuwe: 4216 0