Kigali

Jose Mourinho yongeye kwigaragaza afasha Manchester United gutungura Juventus

Imikino   Yanditswe na: Dusingizimana Remy 8 November 2018 Yasuwe: 1553

Ikipe ya Manchester United yasuzugurwaga na buri wese kubera ukuntu yatangiye uyu mwaka w’imikino yitwara nabi,yakoze ibyo benshi batakekaga itsindira Juventus ku kibuga cyayo Allianz Stadium ibitego 2-1.

Ubuhanga bwa Jose Mourinho mu gusimbuza bwatumye atsindira Juventus ku kibuga cyayo ibitego 2-1 byabonetse mu minota ya nyuma bitsinzwe na Mata ndetse na Alex Sandro witsinze.

Uko imikino yaraye igenze muri UCL

Cristiano Ronaldo niwe wafunguye amazamu ku gitego cyiza cyane yatsinze ku munota wa 61 ku mupira mwiza yahawe na Leonaldo Bonucci.

Juventus yahise yirara,ba rutahizamu barimo Paulo Dybala,Juan Cuadrado na Miralem Pjanic bahusha uburyo bw’ibitego bwabazwe,byatumye Mourinho ahindura umukino mu buryo abantu batakekaga.

Ku munota wa 79, Mourinho yahise yinjiza mu kibuga Juan Mata asimbura Ander Herrera ndetse Marouane Fellaini asimbura Sanchez,bituma Manchester United itangira gusatira Juventus cyane.

Manchester United yatangiye kugariza izamu rya Juventus guhera ku munota wa 80,maze ibona coup Franc nyuma y’aho Pogba ategewe hafi y’urubuga rw’amahina ku munota wa 86,Juan Mata ayitera mu izamu igitego cya mbere kiba kirinjiye.

Manchester United yahise yongera kuzamuka,ibona indi coup Franc yari kure y’izamu,iterwa neza na Ashley Young,abakinnyi ba Juventus bananirwa kuyikuraho byatumye igana mu izamu,umupira ukora ku mutwe wa myugariro Chiellini na Alex Sandro ujya mu izamu,Manchester United icyura amanota 3.

Benshi mu bakunzi ba ruhago bavuze ko uyu ariwo mukino mwiza Mourinho akinnye neza ndetse yakoresheje amayeri atangaje kuva yatangira uyu mwaka w’imikino.

Manchester United yahise igira amanota 7 inyuma ya Juventus iyoboye iri tsinda n’amanota 9,biyifasha kwiyongerera amahirwe yo kugera muri 1/8.

Mu yindi mikino yari itegerejwe na benshi,ikipe ya Real Madrid yari ihagaze nabi yanyagiye Victoria Plzen ibitego 5-0 mu gihe Manchester City yatsinze Shakhtar Donetsk ibitego 6-0.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyuma yo guhebwa amafaranga make mu yo bari babarimo,abakinnyi b’ikipe ya...

Ku gica munsi cy’uyu wa Mbere tariki 20 Gicurasi 2019 abakinnyi ba Rayon...
21 May 2019 Yasuwe: 3638 2

Abakinnyi b’ikipe ya Rayon Sports batunguranye bahagarika gukora imyitozo mu...

Abakinnyi b’ikipe ya Rayon Sports bahagaritse gukora imyitozo, nyamara...
21 May 2019 Yasuwe: 2574 1

Cristiano Ronaldo yanze umutoza Juventus yifuzaga ko asimbura...

Rutahizamu Cristiano Ronaldo uvuga rikijyana mu ikipe ya Juventus,biravugwa...
20 May 2019 Yasuwe: 4511 0

Umusifuzi yishwe n’umutima ubwo yari mu kibuga ayobora umukino

Umusifuzi ukomoka mu gihugu cya Bolivia witwa Victor Hugo Hurtado yituye...
20 May 2019 Yasuwe: 2350 1

Umukinnyi ukomeye muri Ajax arifuza kwerekeza mu ikipe ya Arsenal

Nyuma yo kwitwara neza mu mikino ya shampiyona y’Ubuholandi Eredivisie...
20 May 2019 Yasuwe: 2424 0

Antoine Griezmann yibasiwe bikomeye n’abafana ba Atletico Madrid

Rutahizamu Antoine Griezmann uherutse gusezera mu ikipe ya Atletico Madrid...
20 May 2019 Yasuwe: 1663 0