Kigali

Ikipe ya Rayon Sports yagiranye amasezerano n’undi mufatanyabikorwa

Imikino   Yanditswe na: Martin Munezero 3 September 2019 Yasuwe: 5017

Ubuyobozi bukuru bw’ikipe ya Rayon Sports bwasinyanye amasezerano y’amezi atandatu na kompanyi ya Gas Oil aho abafana ba Rayon Sports bazajya bagura ibikomoka kuri peteroli hakagira amafaranga ajya muri Rayon Sports.

Aya masezerano ya Rayon Sport na kompanyi ya Gas Oil yabaye kuri uyu ku wa Mbere tariki ya 2 Nzeli 2019, aho hazakoreshwa uburyo bw’ikoranabuhanga bukoreshwa mu gukusanya inkunga y’abafana ba Rayon Sports (MK Card), ni nabwo buzakoreshwa mu gihe umufana runaka yaba aguze ibikomoka kuri peteroli bitangwa na sitasiyo ya Gas Oil aho yaba iri hose mu gihugu.

Munyakazi Sadate perezida w’ikipe ya Rayon Sports yavuze ko gukorana n’abafatanyabikorwa biciye mu mushinga wa MK Card biri gutanga umusaruro ukomeye kuri Rayon Sports kuko ngo nyuma y’ukwezi kurenga bayitangije abona bizafasha ikipe mu bijyanye n’ubukungu.

“Ibikorwa bya MK Card muri Rayon Sports turi kubona umusaruro wabyo nyuma y’ukwezi kumwe n’iminsi irengaho tubitangije ku mugaragaro. Ubu twungutse ikindi kigo cya Gas Oil gifite sitasiyo icyenda mu gihugu hose, kigiye gufasha Rayon Sports n’abakunzi bayo kugenera imbaraga ikipe yabo biciye mu kuba bagura ibikomoka kuri peteroli bitangwa na Gas Oil”.

Gasarabwe Alphonse umuyobozi wa Gas Oil , yabwiye abanyamakuru bitabiriye uyu muhango ko icyatumye bemera gukorana na MK Card ari uko Rayon Sports ifite abafana benshi bazavamo abakiliya benshi.

Gasarabwe Alphonse umuyobozi wa Gas Oil yakomeje avuga ko amasezerano bagiranye na Rayon Sports ari igice cy’umwaka kugira ngo barebe niba ibyo bibwira aribyo ku buryo bigenze neza bazongera bakareba icyakorwa.

Rayon Sports yasinyanye na Gas Oil nyuma yo kuba bari basinyanye na sitasiyo ya Mogas, Gahunga yo gukusanya inkunga y’abafana biciye muri MK Card ni gahunda yashyizweho igamije iyubakwa rya sitade bwite ya Rayon Sports (Gikundiro Stadium), sitade izubakwa mu mafaranga azava mu mushinga worohereza abafana kwitanga.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa Rayon Sports yamaze kugera mu Rwanda hatangazwa igihe azerekerwa...

Ubuyobozi bwa Rayon Sports bwamaze kubona umutoza mushya wo gusimbura...
19 September 2019 Yasuwe: 3711 0

FERWAFA yafashe umwanzuro ukomeye uzafasha cyane Amavubi

Ubuyobozi bwa FERWAFA bwamaze gufata umwanzuro w’uko guhera kuri uyu wa Kane...
19 September 2019 Yasuwe: 2804 0

Alexis Sanchez yahagaritse intambara ya Lukaku washakaga kurwana na mugenzi...

Rutahizamu Romelu Lukaku yarakajwe cyane no kuba ikipe ye nshya ya Inter...
19 September 2019 Yasuwe: 2340 0

Real Madrid yaraye ikoze agahigo kabi cyane yaherukaga mu myaka 16...

Ikipe ya Real Madrid ifatwa nk’umwami wa UEFA Champions League kubera...
19 September 2019 Yasuwe: 1691 0

Kimenyi Yves ashobora kudakina na Ethiopia kubera guhindura imyirondoro ava...

Umunyezamu wa mbere w’Amavubi Kimenyi Yves ashobora kugongwa n’ikibazo kimeze...
19 September 2019 Yasuwe: 1514 0

UCL: Real Madrid yagaragaje ko igeze aharindimuka mu gihe Juventus...

Ishyamba si iryeru mu ikipe ya Real Madrid ikomeje kunyagirirwa mu...
19 September 2019 Yasuwe: 1668 0