Kigali

Ikipe ya Rayon Sports yahishuye ingingo 12 yashingiyeho ijuririra icyemezo cyafashwe na FERWAFA ku kayabayo bagomba kwishyura Ivan Minnaert

Imikino   Yanditswe na: Martin Munezero 9 August 2019 Yasuwe: 3212

Nyuma y’uko akanama gashinzwe gukemura amakimbirane ka FERWAFA kemeje ko iyi kipe igomba kwishyura Ivan Minnaert amafaranga ibihumbi 35 by’amadorali kubera kumwirukana binyuranyije n’amategeko, iyi kipe yamaze kujurira bitewe n’uko ibona hari ibyirengagijwe mu mikirize y’urubanza.

Tariki ya 5 Kanama 2019 ni bwo umwanzuro w’iki kibazo Rayon Sports yari ifitanye na Ivan Jacky Minnaert wamenyekanye, aho akanama gashinzwe gukemura amakimbirane ka FERWAFA kasanze ibyo Minnaert arega Rayon Sports bifite ishingiro.

Kakaba karanzuye ko agomba kwishyurwa ibihumbi 35 n’amagana 5 mirongo 35 by’amadorali, ni ukuvuga arenga miliyoni 32 z’amafaranga y’u Rwanda.

Rayon Sports ikaba itarishimiye imikirize y’urubanza, ndetse ikaba yahisemo kujuririra iki cyemezo nk’uko bigaragara mu bujurire bwandikiwe umunyamabanga mukuru wa FERWAFA.

Rayon Sports ivuga ko akanama gashinzwe gukemura amakimbirane hari ibintu bimwe na bimwe kagiye kirengagiza ndetse kanagaragaza kubogama cyane.

Ubujurire bw’iyi kipe bukaba bushingiye ku ngingo zigera kuri 12.

Harimo kuba batarahaye agaciro ubwumvikane bagiranye na Minnaert bwo kumwishyura ibihumbi 15 by’amadorali ndetse bakaba baranishyuye 7500, bagasanga bo nta kindi kibareba uretse kwishyura 7500 yari asigaye. Bivuze ko amasezerano y’ubwumvikane bagiranye na Minnaert yateshejwe agaciro

Muri ubu bujurire kandi Rayon SPorts ivuga ko bakiriye ikirego impita gihe, bakabaye baracyanze.

Rayon Sports isanga bararenze imbibi z’ikirego kuko cyashingiwe ku ikosa rikomeye yirukaniye Minnaert mu gihe cyakabaye kuba cyarashingiwe ku gice cy’amafaranga ibihumbi 7500$ basigayemo Minnaert.

Bakaba basaba ko cyasubirwamo ndetse bakaniga ku ndishyi Rayon SPorts yasabye cyane ko mu mwanzuro w’urubanza nta kintu babivuzeho.

Ingingo 12 zashingiweho bajurira iki cyemezo.


Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Kamayirese

    Muri macye icypo mbona Rayons yafatiriye 7500$ kumakosa ya Yvan m. amakosa yakoze ahwanye neza neza na 7500$ ...... umwanzuro se agaragaza ko byahuriyemo kandi umutoza ntacyo abagomba yaba ihari? Rayons Sport ikikibazo n’iki gisobanuro na kumva ko Ferwafa yabogamiye k’umutoza rwose nikirenga kikagera muri CAF ndetse na FIFA birongera bibyutse cya kibazo cya Raoul Shungu

    2 weeks ago

Inzindi nkuru

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 1703 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 2247 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 2654 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 2924 0

Premier League: Lampard yabonye amanota 3 ya mbere,Manchester United na...

Umutoza mushya wa Chelsea FC,Frank Lampard,yabonye amanota 3 ya mbere nyuma...
24 August 2019 Yasuwe: 2097 0

Umugore wa Mahrez yanenzwe na benshi kubera amashusho yafashwe amanitse...

Umugore w’umukinnyi Riyad Mahrez witwa Rita yanenzwe na benshi kubera ukuntu...
24 August 2019 Yasuwe: 5076 0