Kigali

Ikipe ya Rayon Sports yari imaze iminsi 10 mu mwiherero yamaze kugaruka mu mujyi wa Kigali[AMAFOTO]

Imikino   Yanditswe na: Martin Munezero 29 September 2019 Yasuwe: 3644

Ikipe ya Rayon Sports yari imaze iminsi 10 ikorera umwiherero mu karere ka Ngoma, yamaze kugaruka mu mujyi wa Kigali aho igiye gukomereza kwitegura shampiyona.

Ku wa 17 z’uku kwezi ni bwo iyi kipe yahagurutse mu mujyi wa Kigali yerekeza mu karere ka Ngoma, aho yari igiye kwitegurira shampiyona y’ikiciro cya mbere igomba gutangira mu minsi mike iri imbere.

Umwiherero w’iyi kipe waranzwe n’ibikorwa bitandukanye, birimo kwerekana umutoza mushya, inama hagati y’abakinnyi b’iyi kipe hagamijwe kurebera hamwe icyayiteza imbere, gukina umukino wa gicuti na Etoile de l’Est n’ibindi.

Iyi kipe kandi mbere yo kugaruka i Kigali yifatanyije n’abatuye mu murenge wa Kibungo, mu muganda ngarukakwezi wabaye ku munsi w’ejo.

Rayon Sports yasoje urugendo yagiriraga mu Burasirazuba isura ibyiza nyaburanga bitandukanye bigize iyi ntara, birimo ikiyaga cya Muhazi.

Ku bwa Irambona Eric usanzwe ari Kapiteni wungirije muri iyi kipe, ngo iminsi 10 bari bamaze i Ngoma ni akabando gakomeye bazicumba mu mwaka utaha w’imikino.

Ati” Uyu mwiherero wari mwiza, twabonye igihe gihagije cyo gukora imyitozo, tubona igihe gihagije cyo kuba ikipe, dukora ikipe turi kumwe. Ni umwiherero abakinnyi babanye,bakora ikipe. Nk’abakinnyi uko murushaho kuba hamwe niko murushaho gukora umuryango. Abakinnyi byarabashimishije cyane, twashimira n’ubuyobozi bwabitekereje kuko ntibyari bisanzwe bibaho muri Rayon Sports. Bizadufasha kwitwara neza muri shampiyona.”

Nyuma yo kugera i Kigali, abakinnyi ba Rayon Sports barakomeza kuba hamwe mu rwego rwo kwitegura umukino wa Super Coupe bazahuriramo na AS Kigali.





Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 29 0

Abakinnyi 30 bazavamo uwegukana Ballon d’Or bamaze kumenyekana

Muri uyu mugoroba wo kuri uyu wa Mbere taliki ya 21 Ukwakira...
21 October 2019 Yasuwe: 580 0

Umugabo wagenderaga mu mutaka yaparitse mu kibuga rwagati ahagarika umukino...

Umugabo utavuzwe amazina yakoze amahano amanukira mu mutaka [parachute]...
21 October 2019 Yasuwe: 2436 0

Musanze FC yahaye umutoza wayo umukoro ukomeye kugira ngo atabare akazi ke...

Umutoza wa Musanze FC Amars Niyongabo yabwiwe ko natabona amanota 7 mu...
21 October 2019 Yasuwe: 911 0

Rayon Sports yahanitse ibiciro byo kwinjira ku mukino izakiramo Bugesera...

Ikipe ya Rayon Sports yamaze gushyira ahagaragara ibiciro byo kwinjira ku...
21 October 2019 Yasuwe: 2178 0

Sugira Ernest yatangaje impamvu yitwara neza mu ikipe y’igihugu kurusha muri...

Rutahizamu Sugira Ernest ukomeje kwigarurira imitima y’abakunzi ba ruhago...
21 October 2019 Yasuwe: 2134 0