Kigali

Imodoka yari itwaye Team Rwanda muri Grand Prix Chantal Biya yakoze impanuka

Imikino   Yanditswe na: Dusingizimana Remy 30 September 2018 Yasuwe: 1867

Imodoka ya Coaster yari itwaye abakinnyi b’ikipe y’igihugu yo gusiganwa ku magare, Team Rwanda yari kumwe n’abo muri Bourkina Faso na Côte d’Ivoire, bari mu irushanwa rya Grand Prix Chantal Biya ribera muri Cameroon, yakoze impanuka, abagera kuri 17 barakomereka.

Iyi mpanuka yabaye ubwo iyi bisi yari itwaye abakinnyi ibajyana mu gace kitwa Ngolbang hagombaga gutangirira agace ka kane,k’iri rushanwa rya Grand Prix Chantal Biya riri kuba ku nshuro ya 18, kagombaga gukinwa ku munsi w’ejo hashize kava ahitwa Ngolbang kerekeza ahitwa Sangmelima-Meyomessala.

Ahagana mu ma saa 10h30 z’igitondo,nibwo iyi modoka yo mu bwoko bwa “Coaster” yakoze impanuka, maze abakinnyi 15, komiseri umwe n’umushoferi barakomereka,bajya kuvurirwa mu bitaro by’akarere ka Mbalmayo.

Team Rwanda na Burkina Fasso basohotse muri ibi bitaro by’akarere bya Mbalmayo barekeza I Yaounde kwisuzumisha neza,mu gihe Cote d’Ivoire yahisemo gukomeza irushanwa.

Mu itangazo ryasohowe n’ishyirahamwe ry’umukino wo gusiganwa ku magare muri Cameroon,Fecacyclisme,ryatangaje ko nta muntu wapfuye cyangwa ngo akomerekere bikomeye cyane muri iyi mpanuka,uretse ko bamwe bagize ibikomere bidakanganye.

Kugeza ubu Umuryango nturamenya abakinnyi ba Team Rwanda bakomeretse gusa amakuru aravuga ko Nsengimana Jean Bosco na Uwizeyimana Bonaventure bagiriye ibikomere muri iyi mpanuka.

Team Rwanda yerekeje muri Cameroon, iyobowe n’Umutoza Sempoma Felix n’abakinnyi 5 barimo Nsengimana Jean Bosco na Uwiyeyimana Bonaventure bakinira Benediction Club y’i Rubavu; Rugamba Janvier; Manizabayo Eric na Uwiduhaye.

Nkuko amakuru dukesha ikinyamakuru Cameroon-info.net abitangaza,abashinzwe gutegura iri rushanwa bemeje ko abakinnyi batahungabanyijwe n’iyi mpanuka barimo na Maillot Jaune, barasiganwa uyu munsi mu gace ka nyuma kareshya n’ibirometero 170, kava ahitwa Sangmelima kerekeza i Yaounde.

Nyuma y’agace ka 3 kaherukaga gukinwa,umunya Slovakia witwa Juraj Bellan niwe wari ufite umwenda w’umuhondo w’umukinnyi uyoboye isiganwa ku rutonde rusange, aho yarushaga amasegonda 07 undi munya Slovakia witwa Jan Andrej Cully wari umukurikiye ku mwanya wa 2, mu gihe umunyarwanda wari hafi ari Uwizeyimana Bonaventure wari ku mwanya wa 7, arushwa amasegonda 20 n’uwa mbere.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zinedine Zidane yasuzuguye cyane Gareth Bale bibabaza abakunzi ba...

Umutoza wa Real Madrid,Zidane, yasuzuguye cyane Gareth Bale wari wamusabye...
19 May 2019 Yasuwe: 2335 0

Simba SC igiye kurekura abakinnyi bakomeye barimo na Haruna...

Ubuyobozi bw’ikipe ya Simba SC bwatangaje ko butazongerera amasezerano bamwe...
19 May 2019 Yasuwe: 2747 1

Zlatan Ibrahimovic yafatiwe ibihano kubera ubugome yakoreye...

Rutahizamu wa Los Angeles Galaxy,Zlatan Ibrahimovic yafatiwe ibihano byo...
19 May 2019 Yasuwe: 2593 0

Manchester City yakoze amateka yo gutwara ibikombe byose bikinirwa mu...

Ikipe ya Manchester City yanyagiye Watford ibitego 6-0 ku mukino wa nyuma...
18 May 2019 Yasuwe: 2800 0

Muhanga FC y’abakinnyi 10 yatsinze APR FC ituma icyizere cyayo cyo gutwara...

Ikipe ya AS Muhanga itunguye benshi mu bakunzi ba ruhago mu Rwanda,kuko...
18 May 2019 Yasuwe: 6439 2

Manchester United yatangiye gushaka umuzamu usimbura David de Gea wanze...

Ikipe ya Manchester United yananiwe kongerera amasezerano umunyezamu David...
18 May 2019 Yasuwe: 1965 0