Impamvu shampiyona yo mu Bwongereza ikunzwe cyane kuruta izindi zo ku mugabane w’Uburayi.[UBUSESENGUZI]

10 January 2017. | Imikino | 2 Ibitekerezo | Canisius Kagabo
  • Impamvu shampiyona yo mu Bwongereza ikunzwe cyane kuruta izindi zo ku mugabane w’Uburayi.[UBUSESENGUZI]

Benshi mu bakunzi b’umupira w’amaguru bemeza ko shampiyona 5 zo ku mugabane w’Uburayi ari zo La Liga(Espagne), Seria A(Ubutaliyani), League1(Ubufaransa), Bundesi Liga(Ubudage) na Premier League(Ubwongereza) ari zo zikunzwe kandi zinafite abakinnyi beza ku isi bafite impano. Si ibyo gusa kuko niho haba ihatana kurenza izindi shampiyona zo kuyindi migabane, gusa abantu bibaza impamvu shampiyona yo mu Bwongereza ariyo ikunzwe kurusha izindi kandi amakipe yaho atakitwara neza mu mikino mpuzamahanga.

Imyaka ibaye 3 turasatira uwa 4 nta kipe yo mu Bwongereza izi uko igikombe cyo ku mugabane w’Uburayi gisa kuko baheruka icya EUROPA LEAGUE cyatwawe na Chelesea muri 2012/2013 itsinze Benefica 2-1.

Tugendeye ku myaka 4 ishize twagerageje kubakorera ubusesenguzi kuri shampiyona 5 zikunzwe cyane kurusha izindi ku mugabane w’Uburayi, ariyo shampiyona y’u Bwongereza, Ubufaransa, Espagne, Ubutaliyani n’Ubudage shampiyona y’u Bwongereza isa nkaho ariyo ikunzwe kurusha izindi, twasanze muri byo ari uko ko shampiyona y’u Bwongereza impamvu ikunzwe cyane kurusha izindi ari uko ariho hari ihatana kurusha izindi shampiyona.

Iyo urebye neza usanga amakipe yo mu Bwongereza muri ino minsi atitwara neza mu mikino yo ku mugabane w’Uburayi ariko agakomeza gukundwa usanga impamvu nyamukuru ari ihangana riba muri iyi shampiyona hagati y’aya makipe n’ubwo hari abavuga ko Shampiyona yo mu Bwongereza ibamo amafaranga menshi biturutse k’uburyo yamamazwa n’ibitangazamakuru bikomeye ku isi.

Mu myaka 4 ishize muri izi shampiyona 5 zikunzwe cyane kurusha izindi, shampiyona y’u Bwogereza niyo yonyine yegukanywe n’amakipe 4 kandi atandukanye, uretse shampiyona ya Espagne ho yegukanywe n’amakipe 2 izindi zose imyaka 4 irashize shampiyona itwarwa n’ikipe imwe gusa.

2012/2013 mu Bwongereza igikombe cyegukanywe na Manchester United, Espagne gitwarwa na FC Barcelona, Ubudage gitwarwa na Bayern Munich, Ubutaliyani gitwarwa na Juventus ndetse mu Bufaransa cyegukanwa na Paris Saint Germain.

2013/2014 mu Bwongereza igikombe cyegukanywe na Manchester City, Espagne gitwarwa na Atletico Madrid, Ubudage cyegukanwa na Bayern Munich, Ubutaliyani cyatwawe na Juventus, Ubufaransa gitwarwa na Paris Saint Germain.

2014/2015 mu Bwongereza cyegukanywe na Chelsea, Espagne gitwarwa na Atletico Madrid, Ubudage cyegukanwa na Bayern Munich, Ubutaliyani cyatwawe na Juventus, Ubufaransa gitwarwa na Paris Saint Germain.

2015/2016 mu Bwongereza cyegukanywe na Leicester City, Espagne gitwarwa na FC Barcelona, Ubudage cyegukanwa na Bayern Munich, Ubutaliyani cyatwawe na Juventus, Ubufaransa gitwarwa na Paris Saint Germain.

Juventus itwaya ibikombe bya shampiyona imyaka ine ntayindi kipe ikoramo

Nk’uko mu bibona haruguru muri shampiyona y’u Bwongereza mu myaka 4 ishize shampiyona yo mu Bwongereza yatwawe n’amakipe 4 atandukanye ariyo Manchester united, Manchester City, Chelsea na Leicester City, muri Espagne bitatu byatwawe na FC Barcelona ikindi gitwarwa na Atletico Madrid, Ubudage byose byegukanywe na Bayern Munich, Ubutaliyani bitwarwa na Juventus naho mu Bufaransa byatwawe Paris Saint Germain.

Paris Germain nayo mu myaka ine ishize ni ikipe y’ubukombe mu Bufaransa

Nta gushidikanya ubu busumbane buri muri aya mashampiyona nibwo butuma abenshi bikundira shampiyona y’u Bwongereza, kuko muri aya mashampiyona ikipe imwe yihariye ibikombe ku buryo shampiyona ijya gutangira benshi bavuga ikipe izatwara igikombe kandi ku mpera za shampiyona ugasanga aribyo, ibyo rero bigatuma amaso y’abakunzi b’umupira w’amaguru bayerekeza kuri shampiyona y’u Bwongereza aho buri kipe iba ifite amahirwe yo gukwegukana igikombe.

Mu bwongereza buri kipe iba ifite amahirwe yo kucyegukana

Ikindi umuntu atarenza ingohe ni uko mu myaka yashize buri mukinnyi wese mwiza ushoboye kandi ufite impano yabarizwaga muri shampiyona y’u Bwongereza byatumye igira abakunzi benshi kurusha andi mashampiyona.

Gusa kuri ubu byarahindutse aya mashampiyona afite abakinnyi beza kurusha n’abo mu bwongereza ariko usanga baba babarizwa mu ikipe imwe cyangwa abiri binatuma habaho ikinyuranyo gikomeye ku ikipe ifite aba bakinnyi kurusha andi makipe.
Ariko nanone ntawabura kuvuga ko Shampiyona yo muri Espagne no Budage ari Shampiyona nziza kandi zikomeye kuko usanga amakipe yo muri ibyo bihugu aba afite abakinnyi bakomeye ndetse akunda kugaraga ari menshi mu marushanwa yo ku mugabane w’Uburayi.

Muri Espagne imyaka ine ishize igikombe cyatwawe Barcelona isimburanwa na Atletico

Amakipe yo muri ibi bihugu kandi usanga akunze kugera kure mu marushanwa atandukanye yo ku mugabane w’Uburayi.Gusa ugasanga abantu badakunda kumenya imikinire y’aya makipe kubera ko itangazamakuru riba ritamamaje cyane izo shampiyona zo muri Espagne no mu Budage cyangwa se n’izindi zo ku mugabane w’Uburayi.

Ibitekerezo
  • MyPassion

    MUNEZA Eric
    11 January 2017 - Musubize

    Mwibeshye 2012/2013 ni real madrid, 2012/2013 dortmund mubikosore kbx.

  • MyPassion

    john
    11 January 2017 - Musubize

    ndemeranya nawe wakoze ubu busesenguzi kuko mu bwiongereza haba competition irenze ahandi hose kwisi rwose ni nayo mpamvu shampiyona yabo ikundwa

Tanga Igitekerezo