Kigali

Intamba mu Rugamba ikipe y’igihugu cy’u Burundi yasezerewe mu buryo butari bwiza mu mikino y’igikombe cy’Afurika ’CAN’

Imikino   Yanditswe na: Martin Munezero 30 June 2019 Yasuwe: 1759

Ikipe y’igihugu y’u Burundi, Intamba mu rugamba, yasezerewe mu mikino ya nyuma y’igikombe cya Afurika cy’ibihugu ikomeje kubera mu Misiri, nyuma yo gusoza imikino yose yo mu tsinda B nta n’umwe itsinze.

Abarundi bitabiraga igikombe cya Afurika ku ncuro yabo ya mbere, basoje urugendo rwabo mu gikombe cya Afurika nyuma yo gutsindwa na Guinea Conakry ibitego 2-0. Hari mu mukino wa gatatu w’itsinda B wakinwe kuri iki cyumweru. Ni nyuma y’uko iyi kipe yari yatsinzwe na Nigeria igitego kimwe ku busa mu mukino wayo wa mbere, uwa kabiri na wo iwutsinda na Madagascar igitego 1-0.

Bisobanuye ko uretse gusezererwa nta nota na rimwe, ikipe y’igihugu y’u Burundi nta gitego na kimwe yigeze yinjiza muri iyi mikino y’igikombe cya Afurika.

Iyi kipe y’umutoza Olivier Niyungeko yasoje urugendo rwayo kuri iki cyumweru, nyuma yo gutsindwa na Guinea Conakry. Iminota myinshi y’uyu mukino Abarundi bayikinnye bafite abakinnyi 10 mu kibuga, kuko ku munota wa 12 Nduwarugira Christophe yahise ahabwa ikarita itukura.

Muri rusange iyi kipe yagiye ibona uburyo bwo gutsinda, gusa ntiyasekerwa n’amahirwe. Nko mu gice cya mbere cy’umukino Kwizera Pierrot yateye ishoti rikomeye, gusa umupira ushyirwa muri koruneri na Ally Keita wari mu izamu rya Syli Nationale.

Ibitego bibiri bya Mohamed Yattara ni byo byafashije Guinea Conakry gutsinda u Burundi, isoza ku mwanya wa gatatu mu tsinda B inyuma ya Madagascar yatunguranye itsinda Nigeria ibitego bibiri ku busa.

Yattara yatsinze igitego cya mbere cya Guinea ku munota wa 25, ku mupira yari yiherewe na ba myugariro b’u Burundi bananiwe gukiza izamu ryabo ku mupira wari uturutse muri koruneri.

Ku munota wa 52 uyu musore yaje gutsindira Syli Nationale igitego cya kabiri, arangiza burundi Abarundi.

Muri rusange Madagascar yasoje imikino yo mu tsinda B ari iya mbere n’amanota arindwi, Nigeria ari iya kabiri n’amanota atandatu, Guinea n’amanota ane ku mwanya wa gatatu, mu gihe u Burundi bwasoje ku mwanya wa nyuma n’ubusa.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza mushya wa Rayon Sports yageneye ubutumwa bukomeye abakinnyi bayo...

Umutoza mushya wa Rayon Sports,Javier Martinez Espinoza yatangaje ko aziko...
21 September 2019 Yasuwe: 444 0

Rayon Sports yamaze gutangaza umutoza mushya wagizwe ibanga...

Umutoza ukomoka muri Mexico witwa Javier Martinez Espinoza w’imyaka 46 niwe...
21 September 2019 Yasuwe: 2496 0

Losciuto byavugwaga ko yagizwe umutoza wa Rayon Sports yabihakanye

Umutoza Jean Francois Losciuto byavugwaga ko yamaze kumvikana na Rayon...
21 September 2019 Yasuwe: 2109 0

Umukunzi wa Cristiano Ronaldo yongeye kuvugisha benshi ku mbuga...

Umukunzi wa Cristiano Ronaldo witwa Georgina Rodriguez yaciye ibintu ku...
21 September 2019 Yasuwe: 2553 0

Abatoza 3 bari kuganirizwa mu ibanga kugira ngo bazavemo usimbura Zinedine...

Ishyamba si iryeru mu ikipe ya Real Madrid iherutse kwitwara nabi cyane mu...
21 September 2019 Yasuwe: 2353 0

Rayon Sports yimuye italiki yagombaga gutangarizaho umutoza wayo...

Ubuyobozi bwa Rayon Sports bwamaze kwimura igihe bwagombaga gutangariza ku...
20 September 2019 Yasuwe: 3054 3