Kigali

Inyatsi zikurikirana amakipe ashaka kwisubiza igikombe cy’isi zishobora gukurikirana Ubudage uyu munsi

Imikino   Yanditswe na: Dusingizimana Remy 27 June 2018 Yasuwe: 650

Ikipe y’igihugu y’Ubudage ihanzwe amaso na benshi mu bakunzi ba ruhago uyu munsi mu mukino wa 3 wo mu itsinda F irakina na Koreya y’Epfo,aho bibaza niba irabasha gukuraho inyatsi zimaze iminsi zikurikirana amakipe ashaka kwisubiza igikombe cy’isi.

Ubudage bwari bwitezwe mu mukino ubanza wabuhuje na Mexico aho bwatsinzwe igitego 1 -0 hakiri kare mu gice cya mbere,umukino ukarangira butabashije kwishyura nyuma mu mukino wa kabiri bugorwa bikomeye na Sweden bwatsinze ku munota wa nyuma ibitego 2-1.

Espagne yasezerewe rugikubita muri 2014 kandi ariyo yari ifite igikombe cy’isi cya 2010

Ubudage bwatwaye igikombe mu mwaka wa 2014 bugomba gukuraho agahigo kabi kamaze iminsi koreka amakipe ashaka kwisubiza igikombe cy’isi aho mu mwaka wa 2002 Ubufaransa bwasezerewe mu matsinda kandi bwari bufite igikombe cy’isi cya 1998,mu mwaka wa 2010 Ubutaliyani bwasezerewe mu matsinda kandi bwari bufite igikombe cy’isi 2006 ndetse na Espagne yasezerewe mu gikombe cy’isi 2014 kandi yari yaratwaye icya 2010.

Uyu munsi Ubudage burasabwa gutsinda Koreya y’Epfo byanze bikunze kugira ngo bugere mu mikino ya 1/16 cy’igikombe cy’isi aho bushobora guhura na Brazil muri iki cyiciro.

Ubudage bufite amanota 3 bunganya na Sweden burasabwa gutsinda ibitego byinshi kugira ngo bubashe kuzamuka,mu gihe na Sweden yaba yatsinze Mexico cyane ko bahita banganya amanota 6.

Ubudage bushobora gusezererwa rugikubita

Ubudage bufite ikibazo mu busatiriza kuko abakinnyi nka Thomas Muller na Mesut Ozil batagira umuvuduko wo gufasha rutahizamo Timo Werner mushya muri iri rushanwa bityo benshi baremeza ko bushobora kugorwa na Koreya ishaka kwerekeza mu rugo ifite icyubahiro.

Uyu munsi Ubudage burakina saa Kumi na Koreya y’Epfo saa kumi zuzuye aho kuri iyi saha Mexico nayo ishaka gushimangira umwanya muri 1/16 iraba ihanganye na Sweden.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yahaye Liverpool ubutumwa bwashimishije abakunzi ba...

Umutoza wa Manchester United,Jose Mourinho yabwiye Liverpool ko atazigera...
14 December 2018 Yasuwe: 3222 0

FC Barcelona yahaye igihano gitangaje Ousmane Dembele usigaye asiba...

Ubuyobozi bwa FC Barcelona bwahaye rutahizamu Ousmane Dembele igihano cyo...
14 December 2018 Yasuwe: 3578 0

Masudi Djuma yavuze impamvu ikomeye yatumye yanga kugaruka muri Rayon...

Umutoza wa AS Kigali yavuze ko ikipe ya Rayon Sports yamuvugishije nyuma yo...
14 December 2018 Yasuwe: 2882 0

Bashunga Abouba yasabye ubufasha bukomeye ubuyobozi bwa Rayon Sports nyuma...

Umunyezamu wa Rayon Sports,Bashunga Abouba watewe n’abagizi ba nabi mu ijoro...
14 December 2018 Yasuwe: 3280 2

Manchester United yarahiriye kongera gutwara umukinnyi ukomeye wa...

Ikipe ya Manchester United ikunze gutwara abakinnyi bakomeye...
14 December 2018 Yasuwe: 1856 0

Masudi Djuma na AS Kigali babonye amanota 3 ku nshuro ya mbere

Ikipe ya AS Kigali n’umutoza wayo bariruhukije kuko babonye amanota 3 ya...
13 December 2018 Yasuwe: 1338 0