Kigali

Irambona Eric waketsweho guhabwa ruswa na Costa do Sol ntiyerekeje muri Mozambike

Imikino   Yanditswe na: Dusingizimana Remy 16 April 2018 Yasuwe: 1743

Umukinnyi Irambona Eric ukina yugarira mu ikipe ya Rayon Sports ntiyajyanye na bagenzi be muri Mozambike kubera gukekwaho guhabwa ruswa n’ikipe ya Costa do Sol bazahura.

Irambona wagaragaye mu myitozo yo ku Cyumweru tariki 15 Mata 2018 ku kibuga cya Shyorongi, yagombaga kujyana na bagenzi be 18 bakinana,ariko ku munota wa nyuma ntiyuriye indege kuko bivugwa ko yagiranye ibiganiro n’ubuyobozi bwa Costa do Sol bwamusabye gushaka abakinnyi baha ruswa bakazitsindisha ku wa Gatatu.

Mu kiganiro Ivan Minnaert yagiranye n’Inyarwanda dukesha iyi nkuru,yavuze ko ibivugwa kuri Irambona atabizi neza gusa yavuye mu mwiherero barimo adasabye uruhushya.

Yagize ati “Nta rindi kosa Irambona yakoze uretse ko yavuye aho abakinnyi bagenzi be bamaze igihe bacumbitse agataha nta ruhushya yahawe n’ubuyobozi. Ibijyanye na ruswa yaba yarimo ategurana na Costa do Sol nta makuru na macye mbifiteho. Nzitabaza abakinnyi nsigaranye kandi bazagera ku ntego”.

Si Irambona wavuzweho kurya ruswa ya Costa do Sol,kuko bamwe mu bayobozi ba Rayon Sports bashyize hanze urutonde rw’abagomba guherekeza ikipe muri Mozambike ruriho Muhirwa Prosper nka Visi Perezida kandi yarahagaritswe na CAF ndetse na Gakwaya Olivier nk’Umunyamabanga w’ikipe kandi atakiri we kugira ngo ikipe izaterwe mpaga.

Rayon Sports yahagurutse mu Rwanda saa saba n’iminota 45 z’ijoro (01h45’) ry’uyu wa Mbere tariki 16 Mata 2018. Baragera i Addis Ababa saa kumi n’imwe n’iminota 50’ z’igitondo (05h50’) mbere y’uko bazagera muri Mozambique saa saba n’iminota 25 z’amanywa (13h25’).

Umukino wa Rayon Sports na Deportivo Costa Do Sol uzakinwa kuwa Gatatu tariki 18 Mata 2018 saa moya z’umugoroba (19h00’) amasaha ahuye neza n’aya Kigali.

Abakinnyi 18 Ivan Minaert azitabaza barimo;Ndayishimiye Eric Bakame (1), Nyandwi Saddam 16, Eric Rutanga 3,Mugisha Francois 25, Usengimana Faustin 15, Mukunzi Yannick 6, Shaban Hussein Tchabalala 11, Manishimwe Djabel 28, Christ Mbondi 9, Ndayisenga Kassim (GK, 29), Mugabo Gabriel 2, Manzi Thierry 4, Niyonzima Olivier 21, Muhire Kevin 8, Ismaila Diarra 20, Mugume Yassin 18, Nahimana Shassir 10, Mutsinzi Ange Jimmy 5.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble paul

    Ese koko nkuyu munyamakuru azineza ingaruka ziyinkuruye

    1 week ago

Inzindi nkuru

Karekezi ashobora kugaruka mu Rwanda gutoza police FC

Uwahoze ari umutoza w’ikipe ya Rayon Sports Karekezi Olivier aravugwa mu...
23 April 2018 Yasuwe: 1285 0

Abakinnyi bane n’umutoza bahawe ubwenegihugu bw’u Rwanda

Abakinnyi 4 barimo Lomami Andre, Peter Otema, Jimmy Mbaraga na Cyiza...
23 April 2018 Yasuwe: 3042 0

Abafana ba Kiyovu Sports bagaragaye bari gutwika amabendera ya Rayon...

Ku munsi w’ejo hagaragaye amafoto y’abafana ba Kiyovu Sports bari gutwika...
23 April 2018 Yasuwe: 2006 0

Mohamed Salah niwe wabaye umukinnyi w’umwaka muri Premier League

Umunyamisiri Mohamed Salah niwe wegukanye igihembo cy’umukinnyi witwaye neza...
23 April 2018 Yasuwe: 760 0

Giroud afashije Chelsea kugera ku mukino wa nyuma wa FA Cup[AMAFOTO]

Igitego cyiza cyane Olivier Giroud yatsinze acenze ba myugariro batatu ba...
22 April 2018 Yasuwe: 1790 0

Kiyovu Sports ibujije Rayon Sports gukomeza ibirori

Mu mukino w’umunsi wa 17 wari witezwe na benshi,ikipe ya Kiyovu Sports...
22 April 2018 Yasuwe: 2590 1