Kigali

Iranzi Jean Claude yavuze uko yakiriye kwirukanwa muri APR FC n’uburyo yafashe icyemezo cyo kwerekeza muri Rayon Sports nyuma y’imyaka 8 bahanganye

Imikino   Yanditswe na: Martin Munezero 16 July 2019 Yasuwe: 3084

Umukinnyi w’ikipe ya Rayon Sports, Iranzi Jean Claude avuga ko gufata icyemezo cyo kwerekeza muri Rayon Sports, nyuma y’imyaka igera ku 8 bahanganye ubwo yakiniraga APR FC, ari icyemezo cyamugoye cyane ariko ubu akaba yaramaze kwisanga mu bandi.

Mu mpera za Kamena 2019, ikipe ya APR FC yafashe umwanzuro wo gusezerera abakinnyi bagera kuri 16, Iranzi Jean Claude akaba na we yarisanze kuri uru rutonde rurerure rw’abakinnyi basezerewe.

Uyu mukinnyi akaba yarahise yerekeza muri Rayon Sports nyuma y’ibiganiro birebire bagiranye.

Iranzi Jean Claude aganira na Isimbi yavuze ko imyaka yari amaze muri APR FC bitamworoheye gufata umwanzuro wo kwerekeza muri mukeba ari we Rayon Sports.

Yagize ati”Ni ibintu byangoye cyane, nukuri cyari icyemezo kigoye kugifata bitewe n’igihe nari maze mu ikipe ya APR FC, ariko mu mupira w’amaguru bibaho, ni ibintu bisanzwe umuntu arabyakira agakomeza akazi. Oya ntabwo ari ukwanga kuyisinyira urabona hari igihe ibiganiro biba bitagenda nk’uko ubyifuza cyangwa nk’uko komite iba ibyifuza ariko icyangombwa ni uko twabashije kumvikana akaba ari yo ndimo.”

Uyu mugabo kandi avuga ko yasanze aya makipe nta tandukaniro rinini afite uretse abafana ba Rayon Sports yasanze ari benshi kurusha aba APR FC yahozemo.

Iranzi Jean Claude yinjiye muri APR FC muri 2009 nyuma y’imyaka 2 yari amaze muri Kiyovu Sports, 2016 yaje gutandukana n’iyi kipe yerekeza ku mugabane w’u Burayi mu ikipe ya MFK Topvar Topoľčany muri Slovakia, yaje gutandukana na yo 2017 ajya muri Zambia mu ikipe ya Zesco United na yo yamazemo umwaka umwe agahita agaruka mu Rwanda muri 2018 mu ikipe ya APR FC.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mukura VS yahaye isomo rya ruhago Gicumbi FC iyobora shampiyona...

Ikipe ya Mukura VS iherutse kwirukana burundu umutoza Olivier...
20 October 2019 Yasuwe: 3780 0

Lionel Messi yakuye umutima abafana ba FC Barcelona kubera ibyo yatangaje...

Rutahizamu Lionel Messi yavuze ko atazigera yemera gusinyira FC Barcelona...
20 October 2019 Yasuwe: 3102 0

Kimenyi Yves nawe yavuze ku kuba ngo umukunzi we yaramutaye akisangira undi...

Umunyezamu w’Ikipe y’Igihugu Amavubi na Rayon Sports Kimenyi Yves yavuze ko...
20 October 2019 Yasuwe: 7997 2

Sadio Mane yavuze kuri Messi wamutoye nk’umukinnyi witwaye neza kurusha...

Rutahizamu wa Liverpool na Senagal,Sadio Mane, yavuze bwa mbere kuri Lionel...
20 October 2019 Yasuwe: 3524 1

Solskjaer yabwiye Liverpool amagambo arimo incyuro mbere yo guhura...

Mbere y’umukino byitezwe na benshi ko Manchester United irabatizwa na...
20 October 2019 Yasuwe: 2618 0

Uruganda rwa Cimerwa rwahaye ibikoresho ya kipe y’abana yagaragaye mu...

Kuri uyu wa gatandatu, ubuyobozi bw’uruganda nyarwanda rukora sima rwa...
20 October 2019 Yasuwe: 3751 1