Kigali

Iribagiza Joy umugore wa Yannick Mukunzi yasutse amarira ku kibuga cy’indege i Kanombe ubwo yasezeraga ku mugabo we[AMAFOTO]

Imikino   Yanditswe na: Martin Munezero 1 February 2019 Yasuwe: 12540

Yannick Mukunzi, wari usanzwe akinira ikipe ya Rayon Sports ndetse akaba asanzwe ari n’umukinnyi w’ikipe y’igihugu Amavubi, yerekeje kumugabane w’i Burayi.

Mukunzi yahagurutse ku kibuga mpuzamahanga cya Kigali i Kanombe ahagana i Saa Cyenda zuzuye, yari aharekejwe nabamwe munshuti ze ndetse n’umugore we Iribagiza Joy bafitanye umwana umwe, bamaze igihe gito basezeranye imbere y’amategeko kubana akaramata, uyu mugore ubwo yasezeraga ku mugabo we kwihangana byanze amarangamutima aramufata maze asuka amarira ubona ababajwe nuko umugabo amusize.

Yannick yerekeje ku mubagane w’i Burayi mugihugu cya Suede aho agiye gukina mu ikipe ya Sandvikens IF yo mu cyiciro cya gatatu.

Yannick Mukunzi yari amaze umwaka umwe muri Rayon Sports nyuma yo kuyerekezamo avuye muri APR FC yakuriyemo.

Yannick Mukunzi yagize umwaka mwiza kuko nyuma yo gusinyira Rayon Sports muri Kanama 2017 yayifashije gutwara igikombe cy’Agaciro na Super Cup mu 2017 byombi batwaye batsinze APR FC.

Mu ntangirizo z’umwaka ushize kandi, yatwaranye na Rayon Sports igikombe cy’Intwari mbere yo kongera kwisubiza igikombe cy’Agaciro muri Nzeli. Yannick ari kandi mu bakinnyi bafashije iyi kipe kugera muri ¼ cya CAF Confederation Cup ya 2018.

Tariki 13 Mutarama 2019 ubwo Rayon Sports yakiriye Kirehe FC ikayitsinda 3-0, Yannick Mukunzi yakinnye uyu mukino wa nyuma imbere y’abafana ba Rayon Sports, aho yaje yambaye umupira ugaragaza ishimwe afitiye iyi kipe yakiniraga. Umukino we wa nyuma yawukiniye i Rubavu batsinda Marines FC ibitego 2-0 harimo n’igitego yatsinze kuri penaliti.

Abakinnyi bakinanye na Yannick muri Rayon bagaragaje uburyo bakundaga uyu musore ndetse batangaza ko hari byinshi bazamwibukiraho ngo yari umusirimu cyane kandi niwe wabazaniraga ibigezweho muri iyi kipe yambara uburu n’umweru.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Sadate yasubije abibaza ku byerekeye umutoza Robertinho,Sarpong,ikibazo

Umuyobozi mushya wa Rayon Sports,Munyakazi Sadate yatangaje ko mu myaka 2...
19 July 2019 Yasuwe: 3606 0

FC Barcelona yahaye PSG urutonde rw’abakinnyi 6 na miliyoni 90 z’amayero...

Ikipe ya Barcelona yazamuye igiciro yatangaga kuri Neymar Jr igeza kuri...
19 July 2019 Yasuwe: 1744 0

Ikipe ya Bugesera FC yasezereye abakinnyi 18 barimo abo yagenderagaho

Ikipe ya Bugesera FC yateye ikirenge mu cy’amakipe ya APR FC, AS Kigali na...
19 July 2019 Yasuwe: 744 0

Amavubi yisanze mu itsinda rimwe na Cameroon mu gushaka itike ya AFCON...

Ikipe y’igihugu Amavubi yisanze mu itsinda rya F hamwe na Cameroun, u Rwanda...
19 July 2019 Yasuwe: 503 0

AS Kigali yabonye umutoza mushya wo kuyobora abakinnyi b’ibihangange...

Ikipe ya AS Kigali iherutse gusinyisha abakinnyi bakomeye cyane barimo na...
18 July 2019 Yasuwe: 2672 0

Mu bakinnyi bandi ikipe ya Mukura yasinyishije harimo n’uwo APR FC...

Ikipe ya Mukura Victory Sports et Loisirs, yemeje ko yamaze gusinyisha...
18 July 2019 Yasuwe: 2387 0