Izi nizo nshuti 3 magara za Djabel muri Rayon Sports

12 January 2017. | Imikino | 0 Ibitekerezo | Canisius Kagabo
  • Izi nizo nshuti 3 magara za Djabel muri Rayon Sports

Ni ibisanzwe kandi binamenyerewe ko ahantu hateraniye abantu benshi kandi baba bari kumwe mu buzima bwabo bwa buri munsi haba harimo abafitanye ubushuti budasanzwe babitsanya amabanga yabo, no mu ikipe ya Rayon Sports niko bimeze, kuko Manishimwe Djabel ukinira iyi kipe avuga ko afitemo inshuti 3 z’amagara babitsanya amabanga yabo.

Mu kiganiro yahaye Umuryango.rw, Djabel yawutangarije ko muri Rayon Sports afitemo inshuti nyinshi ariko inshuti ze magara akaba ari 3, ari zo Irambona Eric, Nshuti Savio na Nsengiyumva Mustafa, ngo baba bafitanye amabanga menshi.

Djabel(ibumoso), Mustafa(hagati) na Savio(iburyo) bakunze kuba bari kumwe igihe kinini

Yagize ati”muri Rayon Sports ngiramo inshuti nyinshi, gusa inshuti zanjye magara ni Savio(Nshuti Dominique), Mustafa(Nsengiyumva) na Eric Irambona nibo bakinnyi tuba tuziranye ibintu byinshi amabanga yacu, nizo nshuti nzanjye magara ngira hafi.”


Irambona Eric nawe ni umwe mu nshuti magara za Djabel

Djabel yakomeje avuga ko kuva yagera muri Rayon Sports yababajwe no kuba bataratwaye igikombe cya shampiyona y’umwaka w’imikino washize kandi bari bafite amahirwe yo kugitwara

Yagize ati”ikintu cyambabaje ni ukuntu tutatwaye igikombe cya shampiyona umwaka ushize kandi twari dufite amahirwe menshi yo kugitwara. Icyanshimishije n’uko twatwaye igikombe cy’amahoro umwaka ushize, n’ubwo twari dufite intego yo gutwara ibikombe byose bikinirwa mu Rwanda ntitubigereho tukabasha gutwara kimwe ndumva atari umusaruro mubi cyane.”

Djabel ni umukinnyi w’umunyarwanda ukiri muto urimo utanga icyizere azamuka neza, dore ko yifujwe n’ikipe ya Caen yo mu Bufaransa mu kiciro cya mbere mu Bufaransa ngo abe yajya kuyisura animenyerezemo(stage) byanaba ngombwa akaba yanakoramo igeragezwa.

Tanga Igitekerezo