Kigali

Jose Mourinho yababajwe n’urwandiko rwashyizwe hanze bivugwa ko yanditse asaba abakinnyi be kuvuna Messi muri UCL

Imikino   Yanditswe na: Dusingizimana Remy 20 March 2019 Yasuwe: 3105

Hirya no hino mu binyamakuru hari gucicikana urwandiko mourinho yandikiye abakinnyi be mu mwaka wa 2006 ababwira uko bagombaga guhangana n’abakinnyi ba FC Barcelona muri 1/16 cy’irangiza cya UEFA Champions League aho yabasabaga kuvuna Messi mbere y’igihe ndetse no gukorera amakosa menshi kuri Ronaldinho.

Jose Mourinho yarakaye cyane ndetse avuga ko iyo nyandiko yuzuyemo ubugome atari we wayanditse ahubwo uwarushyize hanze yabikoze ashaka kumuharabika.
Muri uru rwandiko hagaragaza imigambi Mourinho yari afite kuri buri mukinnyi wa FC Barcelona mu kibuga n’ukuntu bagombaga kumuhagarika.

Uru rwandiko rugaragaza uko Mourinho yari yapanze guhangana na buri mukinnyi wese wa FC Barcelona ya 2006 yatozwaga na Frank Rijkaard mu mukino wa UEFA Champions Legue bari kuyakiramo I Stamford Bridge.

Nkuko uru rwandiko rwashyizwe ku rukuta rwa Twitter rwitwa,performance analysis in action,Mourinho yari yabwiye abakinnyi be kuvuna Messi wari ufite imyaka 18 icyo gihe hakiri kare ndetse ataragera mu rubuga rw’amahina.

Yagize ati “Niba uburyo busigaye ari ukumuvuna,Ni byiza ko mubikorera inyuma y’urubuga rw’amahina kandi hakiri kare kuko amaze iminsi mike avuye mu mvune.”
Mourinho yarakajwe bikomeye n’uru rwandiko yise ko ari uruhimbano ndetse yamaganira kure abarwanditse avuga ko bagamije kumusebya.

Mourinho yarakajwe bikomeye n’uru rwandiko yise ko ari uruhimbano ndetse yamaganira kure abarwanditse avuga ko bagamije kumusebya.

Yagize ati “Inyandiko ntabwo ari iyanjye.Sinjye wayanditse.Raporo mperuka gukora ndayifite mu rugo, ni iyo mu mwaka wa 1999/2000 ubwo nari umutoza wungirije muri FC Barcelona.Nari nungirije nagombaga gusangiza bagenzi banjye ubusesenguzi bwanjye kugira ngo bidufashe gutegura umukino.Kuva muri Benfica kugeza ubu ntabwo ubusesenguzi bwanjye mbwandika nka raporo,ahubwo n’ibitekerezo bimfasha gutegura imyitozo n’imikino.”

Uretse ibyo kuvuna Messi,muri uru rwandiko harimo intege nke za buri mukinnyi ndetse n’ukuntu ikipe ya FC Barcelona yari izi kwigusha no guhimba ama coup franc.

Muri uyu mukino wa Champions League bivugwa ko Mourinho yari yabwiye abakinnyi be kuvuna aba FC Barcelona,Chelsea yasezerewe itsinzwe ibitego 3-2 mu mikino yombi.




Hashyizwe hanze raporo Mourinho yahaye abakinnyi be yo kuvuna Messi no guhagarika Ronaldinho

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sarpong na Rugwiro ntibakoze imyitozo ya mbere Rayon Sports yakoreye muri...

Abakinnyi babiri bakomeye muri Rayon Sports barimo Micheal Sarpong na...
24 August 2019 Yasuwe: 1058 0

CAF CC: AS Kigali imaze gusezera KMC yo muri Tanzania

Ikipe ya AS Kigali ifashije abakunzi ba ruhago mu Rwanda kwinjira neza muri...
23 August 2019 Yasuwe: 3740 0

Kimenyi Yves yatunguwe n’agahimbazamusyi gahanitse Rayon Sports...

Umunyezamu wa mbere wa Rayon Sports,Kimenyi Yves yatangaje ko yatunguwe...
23 August 2019 Yasuwe: 4250 0

Tchabalala wamamaye muri Rayon Sports yasinyiye ikipe ya Bugesera FC...

Rutahizamu Hussein Tchabalala wamenyekanye mu makipe abiri yo mu Rwanda...
23 August 2019 Yasuwe: 3137 1

Cristiano Ronaldo yatangaje impamvu aterekeje muri Arsenal yamushatse akiri...

Rutahizamu Cristiano Ronaldo uri mu ba mbere ku isi,yavuze ko yaganiriye...
23 August 2019 Yasuwe: 2316 0

Rutanga yavuze amayeri bazakoresha kugira ngo basezerere ikipe ya Al...

Kapiteni wa Rayon Sports,Rutanga Eric yabwiye abanyamakuru mbere yo...
23 August 2019 Yasuwe: 2704 0