Umutoza Jose Mourinho yanze kwerekeza mu makipe atandukanye I Burayi kubera icyizere gikomeye afite cyo kwerekeza mu ikipe yahozemo ya Real Madrid ishobora kwirukana umutoza Zinedine Zidane wari umaze iminsi atamerewe neza.

Sponsored Ad

Ibinyamakuru byo ku mugabane w’I Burayi byatangaje ko Jose Mourinho yanze kwerekeza mu makipe menshi yamuhaye akazi muri iyi mpeshyi ategereje ko Real Madrid yamuhamagara nyuma yo kwirukana Zinedine Zidane wari umaze iminsi ku gitutu.

Mu Ukuboza umwaka ushize nibwo Jose Mourinho yirukanwe na Manchester United ariko ngo ntiyigeze agira ubushake bwo gushaka akandi kazi kuko ngo yifuza kongera gutoza ikipe ya Real Madrid.

Ikinyamakuru Goal.com cyatangaje ko Jose Mourinho yabwiye inshuti ze ko yifuza kongera gutoza ikipe ya Real Madrid ndetse ategereje ko ubuyobozi bwayo bwazamuhamagara.

Jose Mourinho yahawe akazi n’amakipe arimo Monaco, Lille, Wolfsburg, Schalke na AC Milan aranga kubera icyifuzo cyo kongera gutoza amakipe akomeye arimo na Real Madrid.

Uretse Real Madrid,Jose Mourinho ngo yifuzaga kwerekeza mu yandi makipe arimo Paris Saint-Germain, Juventus na Bayern Munich zarangije umwaka ushize zimerewe nabi.

Iki kinyamakuru gitangaza ko Jose Mourinho ategereje kureba uko Zidane yitwara kuko ngo yirukanwe ariwe wahita ahabwa akazi.